СӨ үлэҕэ уонна социальнай сайдыыга миниистирэ Елена Волкова бүгүн социальнай ситиминэн быһа сибээскэ тахсан, нэһилиэнньэ ыйытыытыгар хоруйдаата.
Дьон тыыл, үлэ бэтэрээннэригэр көрүллэр путевка туһунан ыйыталаспыттарыгар: “Тыыл, үлэ бэтэрээннэрэ санаторийга эмтэнэллэригэр өрөспүүбүлүкэ бүддьүөтүн суотугар санаторнай-курортнай путевка көрүллэр. Тыыл бэтэрээннэригэр – икки сылга биирдэ, үлэ бэтэрээннэригэр – үс сылга биирдэ. Үлэ бэтэрэннэригэр путевка сууматыттан 80 бырыһыана толуйуллар (компенсация). Ол эрээри, быйыл пандемиянан сибээстээн, санаторнай-курортнай путевканы биэрии тохтоон турар. Быйыл туһаныахтаах эрээри, туһамматах дьон эһиил сынньаныахтарын сөп. СӨ Бырабыыталыстыбата тустаах быһаарыыны соторутааҕыта ылбыта итиэннэ нормативынан бигэргэммитэ”, — диэн иһитиннэрдэ.
Онон быйыл санаторийга сынньана барыахтаах эрээри, дьаҥынан сибээстээн кыайан барбатах дьон эһиил даҕаны туһаныаххытын сөп.
Людмила ПОПОВА, “Саха сирэ” хаһыат, edersaas.ru
Хаартыска — vybnews.ru