Былырыын балаҕан ыйыттан оҕолору, ыччаты култуураҕа сыһыарар туһуттан, 14-22 саастаах эдэр дьоҥҥо “Пушкинскай каарталары” биэртэлээбиттэрэ. Бу каартанан мусуойдарга, тыйаатырдарга, библэтиэкэлэргэ, кэнсиэртиир саалаларга, быыстапкаларга босхо сылдьыахтарын сөп.
Олунньу 1 күнүттэн бу каартанан оҕолор киинэҕэ сылдьаллара көҥүллэннэ. Ол гынан баран, РФ култуураҕа министиэристибэтин уонна Киинэ пуондатын өйөбүллэринэн тахсыбыт, Арассыыйаҕа оҥоһуллубут киинэлэргэ эрэ бу каартанан туһанар кыахтаахтар.
Сыл устата киинэҕэ 2 тыһыынча солкуобайы барыахтарын сөп. “Пушкинскай каарта” иһигэр барыта 5 тыһыынча солкуобай угулла сылдьар. Каартаны “Госуслуги” порталга оҥорторон, ылыахха сөп.
Ангелина Васильева, «Саха сирэ» хаһыат edersaas.ru
Хаартыска: rg.ru
+1
+1
+1
+1
+1
+1
+1