«Пушкинскай каарта» диэн тугуй?

Ааптар: 
Бөлөххө киир:

Арассыыйа үрдүнэн «Пушкинская карта» диэн бырагыраама олоххо киирдэ. Манна 14-22 саастаах эдэр дьон кытталлар. Кинилэр балаҕан ыйын 1 күнүттэн бу каартанан туһаныахтарын сөп. Каарта балаансыгар үс тыһыынча солкуобай баар. Бу көрүллбүт үбү сөпкө аттарынан, ыччат култуура тэрилтэлэригэр — мусуойга, тыйаатырга сылдьыан сөп.

«Пушкинская каарта» бырагыраамаҕа кыттар туһуттан:

  1. «Госуслуги» порталга регистрациялан;
  2. Тус сирэйгин (учетная запись) бигэргэт;
  3. «Госуслуги.Культура» төлөпүөн сыһыарыытын хачайдаа;
  4. «Пушкинскай каартаҕын» ыл — виртуальнай биитэр «Мир» каарта;
  5. Сыһыарыы, саайт нөҥүө, каассаттан билиэттэ атыылас.

Саха сиригэр «Пушкинскай карта» алта тэрилтэҕэ туһаныллар:

— А.С.Пушкин аатынан Нуучча драмтыйаатыра;

— Суорун Омоллоон аатынан Опера уонна балет тыйаатыра;

— Г.М.Кривошапко аатынан Судаарыстыбаннай филармония;

— «Россия — моя история» мусуой;

— Национальнай художественнай мусуой;

— Үүнэр көлүөнэ тыйаатыра.

Бу тэрилтэлэргэ буолар 27 тэрээһин «Пушкинскай каарта» бырагырааматыгар киирдэ — испэктээктэр, быыстапкалар, экскурсиялар, квест-оонньуулар, маастар-кылаастар.

Холобура, алтынньы ыйга Суорун Омоллоон аатынан Опера уонна балет тыйаатырыгар маннык туруорууларга сылдьыахха сөп:

— алтынньы 10 күнүгэр — «Золушка»;

— алтынньы 15 күнүгэр — «Кармен»;

— алтынньы 17 күнүгэр — «Платформа. История одного вокзала»;

— алтынньы 22 күнүгэр — «Сказка братьев Гримм»;

— алтынньы 29 күнүгэр — «Калейдоскоп иллюзий»;

— алтынньы 31 күнүгэр — «Приключение Чиполлино».

Каартанан билиэт сыаната 300 солкуобайтан 800 солкуобайга диэри тэҥнэһэр.

Ил Дархан уонна Бырабыыталыстыба дьаһалтатын пресс-сулууспата.

+1
0
+1
0
+1
0
+1
0
+1
0
+1
0
+1
0