“Пушкин каартатын” хайдах ылыахха сөбүй?

Бөлөххө киир:
Фото: Министерство образования РФ

Бу виртуальнай, эбэтэр, пластиковай “Мир” каартаны 14-22 саастаах ыччакка биэрэллэр.

Бу каартанан туһанан култуура тэрилтэлэригэр уонна тэрээһиннэригэр: мусуойдарга, быыстапкаларга, кэнсиэртэргэ, киинэҕэ сылдьыахха сөп. Култуура министиэристибэтэ, Киинэ пуондата, уо.д.а. өйөөбүт, Арассыыйаҕа оҥоһуллубут буоллаҕына эрэ, “Пушкин каартатынан” киинэҕэ сылдьыы көҥүллэнэр. Ол эбэтэр, омук киинэлэригэр бу каартанан төлөммөт. Каартаҕа 5 тыһыынча солкуобай баар, бу суума култуура тэрээһиннэригэр киирэргэ төлөбүр быһыытынан туһаныллар.

“Пушкин каартатын” хайдах ылыахха сөбүй?

  • “Госуслуги.Культура” мобильнай сыһыарыы нөҥүө виртуальнай каартаны оҥорторуохха сөп. “Госуслуги” портал учуот суруга баара ирдэнэр. Сыһыарыыны App Store уонна Google Play маҕаһыыннартан хачайдаан ылаҕыт.
  • Оттон пластик каартаны “Почта Банк” салааларыгар тиийэн оҥортороҕут. Пааспары уонна СНИЛС-ы илдьэ тиийэҕит.
  • Культура.рф саайтка киирэн, ханнык тэрилтэлэргэ уонна тэрээһиннэргэ сылдьыахха сөбүн туһунан билиэххэ сөп. Каартанан биир тэрээһиҥҥэ бэйэҥ ааккар биирдэ эрэ төлүүгүн, атын киһиэхэ төлөммөт.

Саха сиригэр билигин “Пушкин каартатын” 24 тыһыынча кэриҥэ киһи туһана сылдьар. Барыллаан ааҕыынан, Саха сиригэр 110 тыһыынчаттан тахса киһи бу каартанан туһаныан сөптөөх. Мантан көстөрүнэн, үгүс ыччат бу каартанан өссө туһана илик эбит. Судаарыстыба 14-22 саастаах ыччаты култуура эйгэтигэр сыһыараары, ону тэҥэ, култуура тэрилтэлэригэр күүс-көмө буолаары харчы биэрэр.

+1
0
+1
0
+1
0
+1
0
+1
0
+1
0
+1
0