Култуура Маны аах

Тэрээһиннэргэ сылдьыҥ

«Пушкин каартата» федеральнай бырайыак иитинэн Саха сиригэр култуура тэрээһиннэригэр сылдьарга 180-тан тахса билиэт атыыламмыт.

Билиҥҥи туругунан бу  бырайыакка биэс култуура тэрилтэтэ киирбит — Д.К.Сивцев-Суорун Омоллоон аатынан опера уонна балет тыйаатыра, А.С.Пушкин аатынан нуучча драматическай тыйаатыра, Г.М.Кривошапко аатынан судаарыстыбаннай филармония , «Арассыыйа — мин историям» музей комплекса, национальный художественнай музей. Билиэт сыаната 300 солкуобайтан 1000 солк. диэри.Бу туһунан СӨ Култуура уонна дуоухбунай сайдыы министиэристибэтин саайтыгар суруллар. Нэдиэлэ ахсын бырайыагы олоххо ситиһиилээхтик киллэрэргэ мунньах ыытыллар.

А.С.Пушкин аатынан нуучча драматическай тыйаатырыгар «Пушкин каартатынан»  «Капитанская дочка», «Барышня-крестьянка» алтынньы саҥатыгар көрдөрүллүөхтэрэ. Оттон балаҕан ыйыгар каартанан «Сорванец», «Я буду ждать, даже если не придёте», «Тётки», «Слишком женатый таксист», «Голодранцы и аристократы» испэктээктэр буолаллар.

Д.К.Сивцев-Суорун Омоллоон аатынан опера уонна балет тыйаатырыгар каартанан балаҕан ыйын 30 күнүгэр «Жизель» балеты көрүөххэ сөп. Ону сэргэ, Дьокуускайга балаҕан ыйын 23-26 күннэригэр гостуруоллуур Ульяновскайдааҕы драматическай тыйаатыр испэктээктэрин көрүөххэ сөп диэн иһитиннэрэллэр. Бу «Кадриль» — балаҕан ыйын 23 күнэ, «Бедная Лиза» — балаҕан ыйын 24 күнэ, «Любовный квадрат» — балаҕан ыйын 25 күнэ, «Завещание» — балаҕан ыйын 26 күнэ.

Г.М.Кривошапко аатынан судаарыстыбаннай филармония кэнсиэртэрэ салҕаналлар. «Мин историям» музей комплекса «Александр Невский. Судьба России», «Рюриковичи», «Романовы» быыстапкаларга ыҥырар.
Пушкин каартатын афишатыгар киирбит 29 тэрээһин (испэктээктэр, быыстапкалар, тематическай экскурсиялар, квест оонньуулар, маастар-кылаастар) Култуура.РФ порталга бааллар, ссылка: https://www.culture.ru/pushkinskaya-karta/afisha/respublika-saha-yakutiya?page=1
1
0