Дмитрий Давыдов устубут “Пугало” киинэтэ улахан бэстибээл биир сүрүн наҕараадатын ылла.
edersaas.ru
Киинэ бэҕэһээ, алтынньы 16 күнүгэр, Владивосток куоракка уон ахсыс сылын ыытыллар “Меридианы Тихого” бэстибээлгэ “Көрөөччүлэр биһирэбиллэрэ” наҕараада хаһаайынынан буолла. Бирииһи киинэ сүрүн дьоруойа, эстрада тыйаатырын артыыската Валентина Романова – Чыскыырай сыанаҕа тахсан ылла.
Бу бэстибээл Чуумпу акыйаан кытыытынан тайаан сытар дойдулар икки ардыларыгар 2003 сылтан ыытыллар. Уһук Илиҥҥэ биир саамай биллэр улахан тэрээһин. Быйыл 49 дойдуттан 200 киинэ көрдөрүллүбүт. Онон “Пугало” элбэх кыттааччыттан талыллан биһирэбили ылбыта дьоһун.
Егор Карпов, «Саха сирэ» хаһыат, edersaas.ru
+1
+1
+1
+1
+1
+1
+1