Психологическай тургутук: Эн дьолуҥ таһыма төһөнүй?

Намыһах таһым – "Дууһаҥ сынньалаҥы эрэйэр". Бу түмүк эн куһаҕан киһигин диэбэт. Бу эн дууһаҥ "мин сылайдым, миэхэ көмөлөс" диэн сибикитэ. Баҕар, элбэх стресс, утуйбат буолуу, түбүктээх үлэ эйигин күүскэ баттаабыт буолуон сөп. Бэйэҕэр сынньалаҥы биэрэр кэм кэлбит. Бастатан туран, үчүгэйдик утуй, минньигэстик аһаа уонна бэйэҕин сэмэлииргин тохтот. Чугас киһигиниин кэпсэт, наада буоллаҕына исписэлиискэ көрдөрөртөн кыбыстыма. Бу ааһар түгэн, сүрүнэ – бэйэҕэ харыстабыллаахтык сыһыаннаһыы.

Орто таһым – "Эн дьолуҥ эйигин күүтэр". Эн олоҕуҥ үксүгэр үөрүүлээх уонна дьоллоох түгэннэрдээх. Сороҕор түбүккэ, кыһалҕаҕа баһыйтаран, олох кэрэтин аахайбакка ааһыаххын сөп, ол эрээри уопсайынан ис туругуҥ бигэ. Эн дьолуҥ сүнньэ баар, сороҕор ону бэлиэтии көрөргө тохтоон, тыын ылан, тулаҕын көрүнүөххэ эрэ наада. Бэйэҕэр кыра сынньалаҥы биэр, чугас дьоҥҥун кытта кэпсэт – оччоҕо дьолуҥ таһыма өссө үрдүө.

Үрдүк таһым – "Күннээҕи олохтон дьолу булаҕын". Эн олоххо олус дьоллоох көрүүлээххин уонна күннээҕи олох кыра үөрүүлэрин бэлиэтии көрөр дьоҕурдааххын. Ис туругуҥ гармониялаах, бэйэҕин кытта доҕордуу сыһыаннааххын. Эн дьол диэн туох эрэ улахан ситиһии буолбакка, күннээҕи түгэннэргэ саспытын өйдүүгүн. Бу таһымҥын өйүүргэ, бэйэҕин иһиллии сылдьаргын умнума. Эн күүһүҥ – олоххо махтанар дьоҕуруҥ.