Хас биирдии ыйытыыга сөптөөх хоруйу тал. «А», «Б» эбэтэр «В» биирин талан ыл уонна хомуйбут баалгын ааҕан таһаар:
- А – 1 баал;
- Б – 2 баал;
- В – 3 баал;
- Г – 4 баал.
1. Күүскүн-уоххун хайдах чөлүгэр түһэрэҕин?
- А) Хамсана сатыыбын, дьарыктанабын.
- Б) Дьиэбэр сынньанабын, минньигэс ас буһарынан эбэтэр атыылаһан сиибин.
- В) Тулалыыр эйгэбин уларытабын.
- Г) Дьону кытта кэпсэтэбин.
2. Ыарахан түгэҥҥэ тугу гынаҕын?
- А) Тута дьаһанабын, өр толкуйдуу барбаппын.
- Б) Инники былаанныыбын, үчүгэйдик толкуйдуубун.
- В) Ыарахан түгэнтэн ураты быһаарыы көрдүүбүн.
- Г) Дьонтон сүбэ ыйытабын.
3. Туохтан ордук сылайаҕын?
- А) Салгына, түннүгэ суох хостон.
- Б) Иннибэр элбэх сорук турарыттан.
- В) Биир кэм уларыйбат олохтон уонна уонна соҕотохсуйууттан.
- Г) Этиһииттэн, айдаарсыыттан..
4. Туох эйиэхэ саамай үчүгэйдик табылларый?
- А) Бэриллибит соруктары түргэнник толоруу.
- Б) Болҕомтолоох буолуу.
- В) Саҥаны айыы.
- Г) Дьону кытта биир тылы булуу.
5. Атыттар эйигин туох дии саныылларый?
- А) Киһи эрэнэр киһитэ.
- Б) Куруук толкуйга сылдьар, чуумпу киһи.
- В) Үөрэ-көтө сылдьар киһи.
- Г) Элбэх доҕордоох, сэмэй майгылаах киһи.
6. Устар күнү мээнэ тугу да гыммакка аһардахпына…
- А) Бэйэбэр кыыһырабын.
- Б) Тугу да гымматахпыттан сылайабын.
- В) Чуҥкуйабын.
- Г) Кимниин да кэпсэппэтэхпиттэн хомойобун.
Түмүгү таһаарыы
6–10 баал – Дьайааччы
Эппиэтинэһи ылынар киһигин. Уйулҕаҥ күүстээх, ол эрээри хамсаныы, киирии-тахсыы суох буоллаҕына сонньуйаҕын. Сүбэ: сынньанар кэм кэлбит.
11–15 баал – Толкуйдьут
Элбэхтик ырытары, чинчийэри сөбүлүүгүн. Эйигин былааҥҥыттан уларытар уустук, ол эрээри бэйэҥ хас биирдии хардыыгын сыаналыыргыттан олус сылайаҕын. Сүбэ: бэйэҕэр кыра да буоллар алҕастары оҥорорго көҥүллээ.
16–20 баал – Айааччы
Саҥаны-кэрэни сөбүлүүгүн. Уйулҕаҥ уларыйымтыа, ол эрээри биир кэмтэн, үлэни оҥорууттан олус чуҥкуйаҕын, санаарҕыыгын. Сүбэ: нэдиэлэ аайы саҥаны боруобалаа.
21–24 баал – Доҕор
Доҕотторгун олус сөбүлүүгүн. Эн туругун тулалыыр эйгэттэн тутулуктанар. Атыттары үчүгэйдик билэҕин, ол эрээри бэйэҕин мэлдьи умнар идэлээххин. Этиһии, айдаарсыы баар сириттэн олус сылайаҕын. Сүбэ: атын киһиэхэ көмөлөһүөх иннинэ, бастаан бэйэҥ туруккун сыаналаан көр.
Ааптар: Тускуйана Игнатьева, ХИФУ устудьуонката