Саха литературатын төрүттээбит, устар ууну сомоҕолуур уус тыллаах суруйааччылары, сээркээн сэһэнньиттэри бэлэхтээбит талыы талба Таатта улууһун дьоһун-мааны олохтоохторо от ыйын 1 күнүгэр буолар Төрүт Сокуонҥҥа уларытыыны киллэрэр быыбарга көхтөөхтүк кыттаары сылдьаллар.
Прокопий Рахлеев, «Төлөн» ААУо генеральнай дириэктэрэ, РФ Үтүөлээх шахтера, СӨ Үтүөлээх горняга, «Шахтерскай албан аат» бэлиэ толору кавалера, Таатта улууһун бочуоттаах олохтооҕо:
— 1993 сыллаахха ылыллыбыт Төрүт Сокуон уларыйар кэмэ кэллэ дии саныыбын. Араас ситимнэргэ «Төрүт Сокуон Арассыыйа олохтоохторун туһугар үлэлээбэт» диэн суруйаллар. Дьиҥэ, оннук буолбтатах. Арассыыйаҕа уруккуттан даҕаны нуучча тыла судаарыстыба сүрүн тыла этэ, ону тэҥэ биһиги өрөспүүбүлүкэбитигэр саха тыла эмиэ судаарыстыбаннай тыл. Ону дьон араастаан токурутан этэр.
Судаарыстыба күүстээх, кыахтаах буоларын туһугар национальнай валюта, солкуобайбыт бигэ туруктаах буолуохтаах. Аан дойду быраабынан туһанан, биһиги сирбитигэр атын омуктар киириэхтэрин баҕараллар, чуолаан Уһук Хоту Муустаах байҕал анныгар баар ньиэпкэ ымсыыраллар. Тус бэйэм бырамыысыланнаска үлэлиирим быһыытынан, биһиги сирбит-уоппут барыта федеральнай бас билиигэ киирэр диэн этиэхпин баҕарабын. Онон от ыйын 1 күнүгэр бары көхтөөхтүк кэлэн куоластыыргытыгар ыҥырабын.
edersaas.ru