Саха сирин үрдүнэн ыам ыйын 9 күнүгэр — Кыайыы күнүгэр араас хабааннаах тэрээһиннэр ыытыллыахтара. Бырааһынньык сүрүн бырагырааматын кытта билсиҥ, көхтөөхтүк кыттыҥ.
Ыам ыйын устата www.sakhamovie.ru онлайн киинэ тыйаатырыгар уонна www.afisha.ykt.ru саайтка сэрии туһунан сахалыы киинэлэри көрүөххэ сөп.
И.Н. Барахов аатынан Судаарыстыбаннас мусуойа ыам ыйын 1-7 күннэригэр «Мин дьиэ кэргэним Аҕа дойду историятыгар» диэн өрөспүүбүлүкэтээҕи интэриниэт-куонкуруһу ыытар.
И.С. Жараев аатынан СӨ норуоттарын аудиовизуальнай наследиетын национальнай киинэ ыам ыйын 1-9 күүнэригэр Саха сирин сэрии уонна тыыл бэтэрээннэрин туһунан архыыбы туһанан «75 мгновений Победы» диэн видеороликтары көрдөрүөҕэ. Манна көрүҥ: www.avfond.ru эбэтэр www.instagram.com/avfond_yakutia
Ыам ыйын 1-15 күннэригэр «Доҕордоһуу » мусуой оҕолорго анаан «Мы наследники Победы!» диэн өрөспүүбүлүкэтээҕи уруһуй күрэхтэһиитин ыытар.
«Арассыыйа — мин историям» историческай паарка Өлүөхүмэ оройуонугар баар Сири оҥоруу историятын мусуойун кытта «Фронтовые письма любви» диэн виртуальнай быыстапканы тэрийэр.
Ыам ыйын 4-7 күннэригэр «Саха» ГТРК теле-ханаалга, «Саха» Арассыыйа араадьыйата» долгуҥҥа уонна «Арассыыйа — мин историям» ютуб-ханаалга бэтэрээннэргэ анаан «Айхал эйиэхэ, төрөөбүт дойдубут!» диэн патриоттуу ырыа бэстибээл-куонкуруһун матырыйаалларынан бырааһынньыктааҕы кэнсиэрдэрэ буолуохтара.
Үгэскэ кубулуйбут «Георгиевскай лиэнтэ» аахсыйа ыам ыйын 4-9 күннэригэр ыытыллыаҕа. Өрөспүүбүлүкэ олохтоохторо маҕаһыыннартан, сапыраапкалартан, хааччахтааһын кэмигэр үлэлиир тэрилтэлэртэн лиэнтэлэри ылыахтарын сөп. Маны таһынан, волонтердар бородууктаны кытта аҕам саастаахтарга эмиэ тиэрдиэхтэрэ.
СӨ национальнай художественнай мусуойун www.sakhamuseum.ru саайтыгар уонна «Инстаграмҥа» www.instagram.com/sakhamuseum1928 аккаунугар «Женское лицо Победы» диэн бүтүн Арассыыйатааҕы аахсыйа ыытыллыаҕа.
Үөрэнээччилэр уонна устудьуоннар социальнай ситимнэргэ #МыВсеРавноСкажемСпасибо, #НаследникиПобеды диэн хэштегтээх флешмобтары ыытыахтара.
СӨ Национальнай бибилэтиэкэтин ютуб-ханаалыгар «Читаем о Победе» диэн видео-ролик устуутугар өрөспүүбүлүкэтээҕи дьиэ кэргэнинэн куонкурус ыытыллыаҕа.
Ыччат дьыалаларыгар уонна социальнай коммуникацияларга министиэристибэтин «Инстграмҥа» аккаунугар уонна саайтыгар байыаннай ырыаны толорууга челлендж-эстафетаны ыытыаҕа.
Быйыл «Өйдөбүнньүк чүмэчитэ» аахсыйа онлайн ыытыллыаҕа. Ыам ыйын 7 күнүгэр, дьиэбитигэр олорон аахсыйаҕа кыттыахпыт, Аҕа дойду улуу сэриитигэр олохторун толук уурбут дьону өйдөөн-санаан ааһыахпыт. Аахсыйаҕа өрөспүүбүлүкэ бары олохтооҕо кыттыан сөп. Аахсыйаҕа кыттыан баҕалаахтар ыам ыйын 7 күнүгэр 21:00 чааска түннүк аттыгар банаар, остуол лаампатын, төлөпүөн банаарын холбоон, ол аттыгар сэриигэ кыттыбыт аймаххыт хаартыскатын ууран, ону хаартыскаҕа түһэрэн, #СвечаПамятиЯкутск2020 диэн хэштегтээн социальнай ситимнэргэ угуҥ.
Маны таһынан, ыам ыйын 7 күнүгэр киэһэ 21:00 чаастан Ыччат дьыалаларыгар уонна социальнай коммуникацияларга министиэристибэ уонна Инновацияҕа, цифровой сайдыыга уонна инфокоммуникационнай технологияларга министиэристибэ «Инстаграмҥа» аккауннарыгар онлайн формакка бастакытын ыытыллар «Өйдөбүнньүк чүмэчитэ» аахсыйа ыытыллыаҕа.
Ыам ыйын 8-9 күннэригэр «Саха» НКИХ ханаалыгар (http://nvk-online.ru) Улуу Кыайыы 75 сылынан бырааһынньыктааҕы бырагыраама, эҕэдэлэр көстүөхтэрэ.
Бэтэрээннэр олорор аадырыстарынан Ыччат дьыалаларыгар уонна социальнай коммуникациярга министиэристибэ «Поем двором», «Флаги России. 9 мая», «Окна Победы» аахсыйалары ыытыаҕа.
Е.Ярославскай аатынан Саха мусуойун саайтыгар Кыайыы 75 сылыгар анаммыт виртуальнай быыстапкалар тэриллиэхтэрэ.
Эстрада тыйаатырын www.sakhaestrada.ru саайтыгар артыыстар кыттыылаах «Сэрии кэмин ырыалара» диэн онлайн-кэнсиэр ыытыллыаҕа.
СӨ Национальнай художественнай мусуойун социальнай ситимнэригэр «Победа — новый эпос» диэн бырайыак сүрэхтэниэҕэ.
Ыам ыйын 9 күнүгэр 10:00 чаастан 11:00 чааска диэри Дьокуускайга бэтэрээннэр хорсун быһыыларын аатырдар, байыаннай-патриотическай иитии систиэмэтин сайыннарар уонна РФ Сэбилэниилээх күүстэрин статуһун үрдэтэр сыаллаах салгыҥҥа авиационнай тиэхиньикэлэри көрдөрүөхтэрэ.
Ыам ыйын 9 күнүгэр 11:00 чаастан «Саха» НКИХ ханаалыгар «Өлбөт үйэлээх полк» онлайн-аахсыйа ыытыллыаҕа. Киэһэ 19:00 чааска «Чуумпуран ылыы мүнүүтэтигэр» тохтооһун буолуоҕа. Бу бүтээтин кытта өрсөпүүбүлүкэ олохтоохторун бэтэрээннэр хаартыскаларын тутан болкуоҥҥа тахсан эбэтэр түннүк аттыгар туран «День Победы» ырыаны ыллыырга ыҥыраллар.
Ыам ыйын 9 күнүгэр киэһэ 22:00 чаастан Дьокуускайга бырааһынньыктааҕы тэрээһиннэри «Фонарики Победы» аахсыйа түмүктүөҕэ. Аахсыйаҕа киин куорат олохтоохторо болкуоҥҥа тахсан банаардары, төлөпүөн банаардарын холбоон, ону видеоҕа устан эбэтэр хаартыскаҕа түһэрэн, #ФонарикиПобеды диэн хэштегтээн социальнай ситимнэргэ уган кыттыахтара.