ProДФО пуоруму Хабаровскай кыраай ыытар

Ааптар: 
Бөлөххө киир:

Бу сылга үһүс төгүллээн ыытыллан ProДФО пуорум ыам ыйын 19 күнүттэн саҕаланыаҕа. Пуорумҥа федеральнай уонна эрэгийиэннээҕи эспиэрдэр, Уһук Илин эрэгийиэннэрин баһылыктара, урбаанньыттар уонна уопсастыбаннас ыччат туһунан кэпсэтиэхтэрэ.

Пуорум кыттыылаахтара Уһук Илиҥҥэ баар орто уонна үрдүк үөрэх кыһаларын сайдыыларын, үлэ ырыынагын билиҥҥи туругун, эдэр ыалы өйүүр бырагыраамалары ырытыахтара. Итиэннэ ыччат уокурук бэлитиичэскэй олоҕор суолтатын, дириҥ билиилээх дьону иитэн таһаарыы туһунан кэпсэтиэхтэрэ.

Тэрээһиҥҥэ биир сүрүн былаһаакканан «Будущее ДФО: как создать пространство для самореализации молодежи» диэн кэпсэтии тахсара күүтүллэр. Манна Хабаровскай кыраай губернаторын эбээһинэһин быстах кэмҥэ толорооччу Михаил Дегтярев кыттыаҕа. Уһук Илиҥҥэ ыччаты угуйуу уонна эдэр ыалы өйөөһүн тула кэпсэтии тахсыаҕа.

Пуорум онлайн уонна офлайн киэбинэн ыытыллыаҕа. Бу сигэнэн регистрацияланыахха сөп: https://synergy.online/lp/prodfo2021/khabarovskiykray/

+1
0
+1
0
+1
0
+1
0
+1
0
+1
0
+1
0