Жатайдааҕы судоверфь тутуутугар ааспыт нэдиэлэтээҕэр үлэһит ахсаана 54-тэн 65-кэ диэри элбээтэ. Итиэннэ бэдэрээтчит ыам ыйыгар үлэһит ахсаанын 200-кэ диэри элбэтиэхтээҕин туһунан СӨ бырабыыталыстыбатын бэрэссэдэтээлэ Андрей Тарасенко иһитиннэрдэ.
Эбийиэк бастакы түһүмэҕин тутууга кыра хаалыы баар. Ол курдук тимир конструкциялар сыаналара үрдээн итиэннэ тиэйэн аҕалыыга бэдэрээтчит харгыстары көрсө сылдьыбыта. «Жатайдааҕы судоверфь» АУо дириэктэрэ Петр Накул иһитиннэрбитинэн, билигин тимир конструкциялары уонна тутуу матырыйаалын барытын тиэйэн аҕалбыттар. Онон бэдэрээтчит кыраапыгын ситиһэрин туһуттан, үлэһит ахсаанын элбэтиэхтээх.
Андрей Тарасенко иһитиннэрбитинэн, «Жатайдааҕы судоверфь» аахсыйатын барытын Саха Өрөспүүбүлүкэтин бас билиитигэр биэрии боппуруоһа федеральнай таһымҥа быһаарыллыбыт.
Санатан эттэххэ, тутуу «Развитие судостроения и морской техники для освоения шельфовых месторождений» судаарыстыбаннай бырагыраама иитинэн тутуллар.
СӨ Ил Дарханын уонна бырабыыталыстыбатын пресс-сулууспата