Предпринимателлэр сомоҕолостохторуна

Ааптар: 
Бөлөххө киир:

Хаҥалас улууһугар социальнай эбийиэктэри тутууга улахан суолта ууруллара харахха быраҕыллар.


Суруналыыстар бары даҕаны улуус баһылыга Гаврил Алексеев ураты болҕомтотун бу хайысхаҕа туһаайарын бэлиэтии көрдүбүт.

Ол курдук, киин балыыһаҕа эбии тутуллубут 200-чэкэ кв. м иэннээх «Компьютернай томограф кэбиниэтэ» дэнэр аныгы технология ирдэбилигэр эппиэттиир, компьютерынан үлэлиир томограф анал идэлээх исписэлиистэрэ аҕыйах хонугунан ыарыһахтары көрөн-истэн барыахтара. 24 630 000 солкуобай сыаналаах тэрили өрөспүүбүлүкэтээҕи ОМС аукцион нөҥүө аһарбыт. Тутууну улуус бөдөҥ тэрилтэлэрин салайааччылара, атахтарыгар бигэтик турбут предпринимателлэр («Промстрой» ХЭТ, «Якутцемент» ААУо, СӨ ОДьКХ ГУТ Хаҥаластааҕы филиала, «Хангаласскай газстрой» ААУо, «Сокол» ХЭТ, «Бетонснаб», «Базальт собуота» хааччахтаммыт эппиэтинэстээх тэрилтэ, улуус предпринимателлэрэ бары кыттыһан үбүлээбиттэр, тутууну ыыппыттар. Ол эбэтэр ким эрэ биригээдэтэ дьиэ хоруопкатын оҥорбут, ким эрэ — кырыыһатын, ким — муостатын, быһата, предринимателлэр сомоҕолоһон, олохтоохторго олус наадалаах тэрили – компьютернай томография кэбиниэтин утары ууммуттар.

Елена ПОТОЦКАЯ, «Саха сирэ» хаһыат, edersaas.ru

Хаартыскаҕа ааптар түһэриитэ.

+1
0
+1
0
+1
0
+1
0
+1
0
+1
0
+1
0