Сүрүн Уопсастыба Эдэр саас

«Предприниматель» номинация финалистара кимнээҕий?



Бу күннэргэ «Саха сирин киэн туттуута» норуот бириэмийэтин «Предприниматель»  номинациятын саамай элбэх куолаһы ылбыт кыайыылаахтарын ааттара билиннэ.

edersaas.ru

Финалистары талыы куоластааһына бэс ыйын 24 күнүгэр саҕаламмыта. Номинаннарга 6475 куолас киирбитэ.

Финалистар кимнээҕий?

— Михаил Охлопков,  «Адгезия» ХЭУо дириэктэрэ, тутааччы — 1808 куолас.

— Руслан Шипков,  “Сахаметан» ХЭУо толорооччу дириэктэрэ — 1468 куолас.

— Олег Юденко, «Рассвет» бизнес киинин салайааччыта — 783 куолас.

— Светлана Семенова, “СахаТехКонсалт” ХЭУо генеральнай дириэктэрэ — 767 куолас.

— Валентина Старцева, «Улыбка» Оҕо сайдыытын киинин дириэктэрэ — 673 куолас.

Кыайыылааҕы быһаарар куоластааһын от ыйын  1 күнүгэр ыытыллыаҕа. Кыайыылаах аата от ыйын 5 күнүгэр биллэриллиэҕэ.

«Саха сирин киэн туттуута» бириэмийэ  үлэ түмүгүн таһаарар, талааннары көрдүүр куоластааһын буолбатах. Бу аттыбытыгар үлэлии сылдьар, таптыыр идэлэригэр таба тайаммыт үлэттэн дьоллонор дьону кэмигэр бэлиэтээн көрүү буолар. Кинилэргэ махтал тылларын саамай күөгэйэр күннэригэр сырыттахтарына этэн үөрдүү.

«Саха сирин киэн туттуута» норуот бириэмийэтин «Сахамедиа» холдинг тэрийэн ыытар. Генеральнай спонсор — «Көмүлүөк» саха иһитин оҥорор фирма.

Быйылгы бырайыак Сомоҕолоһуу сылын чэрчитинэн ыытыллар. «Предприниматель» номинация партнера Предпринимательство уонна туризм сайдыытын министиэристибэтэ.

 Елена ПОТОЦКАЯ, «Саха сирэ» хаһыат, edersaas.ru

 

 

0
0

Санааҕын суруй