«Прадо» батсаап кулууп Хаҥалас улууһун I Дьөппөннөөҕү санаторий оскуолаҕа телевизор бэлэхтээтэ
Күн киһитэ көмүскэс, айыы киһитэ аһыныгас диэн санаанан салайтаран, «Прадо-95» батсаап бөлөҕүн кыттыылаахтара тулаайах оҕолору көрөр-истэр оскуолаларга, санаторийдарга, элбэх оҕолоох кыаммат ыалларга харчы хомуйан, тугу эмит атыылаһан көмөлөһөргө соруммуттарын туһунан ааспыт нэдиэлэҕэ суруйбуппут. Бүгүн, эргэ Саҥа дьылы көрсө, биэс “Прадо” тимир көлөнөн бөлөх кыттыылаахтара Хаҥалас улууһун I Дьөппөннөөҕү санаторий оскуолаҕа анаан-минээн тахсан, 80 тыһ. солк сыаналаах телевизоры бэлэхтээтилэр.
Александр Тарасов, «Саха сирэ» хаһыат, https://edersaas.ru/
«Прадо-95» ватсаап бөлөҕүн салайааччыларыттан биирдэстэрэ Күннэй Черноградская: “Анал бөлөххө 154 кыттааччы баарыттан ким 500-түү, ким 1000-лыы, ким 2000-лыы солк биэрэн, барыта 80-ча тыһ. солк. мустубут. Манан эрэ муҥурданыахпыт суоҕа. Инники өттүгэр маннык хабааннаах аһымал аахсыйалары тэрийэ туруохпут”, — диэн санаатын үллэһиннэ.
Бу үтүө бачыымҥа ким баҕарар кыттыһыан сөп. Саамай сүрүнэ, тимир көлөҕүт “Прадо 90-95” кузовтаах буолуохтаах! Батсаап анал бөлөҕөр киириэн баҕалаахтар
89248797288 уонна 89142271005 нүөмэрдэргэ эрийэн билсиҥ.
Александр Тарасов, «Саха сирэ» хаһыат, https://edersaas.ru/