Бу күннэргэ Нам улууһун олохтооҕуттан портативнай гарааһа сүппүтүн туһунан сайабылыанньа киирбит.
Дьахтар тиэргэнигэр массыынатын портативнай гарааһынан сабан баран дьиэтигэр киирбит. Нөҥүө күнүгэр массыынатын «сылаас суорҕанын» уоран илдьэ барбыттар.
Нам улууһун полицейскайдара бэрт кылгас кэм иһигэр уоруйаҕы тута булбуттар. Ол курдук дьахтар урукку кэргэнэ уоран барбыта биллибит. Бу иннинэ эмиэ сууттана сылдьыбыт, ханна да үлэлээбэт киһи эбит.
Эр киһи түүн дьиэ таһыттан портативнай гарааһы устан ылан баран, быраҕыллыбыт сарайга кистээбит.
— Портативнай гарааскытын сууллубат кыраасканан бэлиэтээҥ, массыынаҕыт нүөмэрин суруйуҥ диэн полиция үлэһиттэрэ сүбэлииллэр.
edersaas.ru
Хаартыска https://14.мвд.рф/
+1
+1
+1
+1
+1
+1
+1