Бүгүн Мэҥэ Хаҥалас улууһун Балыктаах нэһилиэгэр Саҥа дьылы көрсө «Сүбэ холбуката» диэн тэрээһин ыытылынна. Олохтоохтор сынньалаҥ киинигэр мустан, Күтэр сылын хайдах көрсөргө, сонун салааттары астыырга сүбэ-ама ыллылар.
«Бэйэ оҥоһуга бэлэх — туохтааҕар да күндү» диэн санаанан салайтаран, сиэлтэн-кылтан оҥоһуктары, боруос арааһын, мастан ытык, сахалыы харысхаллары о.д.а. хайдах оҥорорго үөрэттилэр, атыыга таһаардылар. Поролонтан оҕо маскараадын оҥоруу кистэлэҥин арыйдылар.
Дьаарбаҥкаҕа убаһа хаана, хаһата, хартата, минньигэс бэлэхтэр атыыга таҕыстылар. Маастардар кэлэн баттах кырыйдылар, тыҥырах лаахтаатылар. Дьон-сэргэ киэргэтиллибит сиргэ хаартыскаҕа түһэн, оһуохайдаан, кэлэн иһэр Саҥа дьыл тыынын биллилэр.
«Саха сирэ» хаһыат, edersaas.ru
+1
+1
+1
+1
+1
+1
+1