«Полярные авиалинии» билиэттэрин онлайн атыылаһарга сүбэлииллэр

«Полярные авиалинии» авиахампаанньа тус официальнай саайтын (Polar.aero) нөҥүө авиабилиэттэри атыылаһарга  сүбэлиир.

Саайт нөҥүө атыыластахха, агентскай хомуур уонна хамыыһыйа харчыта ылыллыбатын таһынан, билиэти  күнүс да, түүн да атыылаһыахха сөп.

Ол курдук билиэттэр Бүлүү, Үөһээ Бүлүү, Эдьигээн, Зырянка, Муома, Ньурба, Өлүөхүмэ, Өлөөн, Сааскылаах, Сунтаар, Алдан, Уус Маайа, Сангаар, Хаандыга, Өймөкөөн, Баатаҕай, Белай Гора, Ленскэй, Саккырыыр, Орто Халыма, Тиксии, Уус Куйга, Депутатскай, Чокуурдаах, Уус Ньара, Полярнай, Нерюнгри хайысхаларынан атыыланаллар.

Билиэти хайдах атыылаһыы туһунан сиһилии иһитиннэриини  http://Polar.aero саайтка киирэн көрүҥ.

Өскөтүн суотабай төлөпүөн нөҥүө атыылаһар буоллаххытына:

1. «Поиск авиабилетов» кнопканы баттааҥ (быһа ссылка: https://booking.polar.aero/websky/#/search )

2. Ханна, хаһан, хас буолан бараргытын талаҕыт уонна «Купить» кнопканы баттыыгыт.

3. Хаһан көтөргүтүн, тарыыпкытын көрөн баран, салгыы  «Продолжить» баттыыгыт.

4. Пассажирдар дааннайдарын суруйан баран,  «Продолжить» кнопканы баттааҥ. Өскөтүн оҕо сибидиэтэлистибэтигэр маннык суруллубут буоллаҕына: I-CH 123456,  I (английскайдыы), CH (нууччалыы) суруйаҕыт.

5. Онтон «Купить билет» баттыыгыт.

Билиэти чопчу атыыластым дуу, суох дуу диэн мунаахсыйар буоллаххытына,  8(4112)44-32-27, 88001005959, 8(914)1005156, 8(996)3158043 нүөмэрдэргэ эрийэн билсиҥ.