“Полярнай авиалиниялары” кытта кэпсэтии бара турар

Ааптар: 
Бөлөххө киир:

Бу күннэргэ “Якутия” авиахампаанньа “тиэхиниичэскэй” төрүөтүнэн сирэйдэнэн, көтүөхтээх расписаниетын тутуспакка, үгүс хотугу улуустар олохтоохторун эрэйдээтэ.

Өймөкөөн улууһун олохтоохторо эмиэ уоппускаларыгар, араас командировкаларга, эмтэнэ көтөллөрүгэр күчүмэҕэйдэри көрүстүлэр. Улууска сүрүннээн дойду киин эрэгийиэннэриттэн төрүттээх дьон олорор буолан, уоппускаларын кэмигэр киин куораттарга көтөллөрүгэр билиэттэригэр суруллубут чаастарыгар сөп түбэспэккэ, хойутаан эрэйдэнэллэр. Ону быһаарсалларыгар сыралара, бириэмэлэрэ, ньиэрбэлэрэ баранна.

Бу балаһыанньаны билэ олорон, улуус баһылыга Иннокентий Сивцев соторутааҕыта Өймөкөөн улууһугар Уус-Ньара авиапордун саҥардыыга боппуруоһугар үлэлэһэ кэлбит  СӨ тырааныспар миниистирин солбуйааччы Ольга Рафаиловаҕа бу боппуруоһу  эмиэ туруоруста.

Миниистир солбуйааччыта “Полярные авиалинии” АУо икки бомбардиры атыыласпытытттан, биирэ Саха сиригэр кэлбитин иһитиннэрэн туран, сөмөлүөттэр Дьокуукскай-Уус-Ньара-Дьокуускай туһаайыынан көтө сылдьыбыттарын сөргүтэр туһунан кэпсэтиини ыытыахпыт диэн эрэннэрдэ, — диэн быһаарда улуус баһылыга.

Бу сытыы боппуроска «Полярные авиалинии» авиакомпания PR-менеджерэ Григорий Фоменко маннык эппиэти биэрдэ:

«Полярные авиалинии» АУо сөмөлүөттэрэ 24 улууска көтүүнү оҥорор. Ан-24/26 сөмөлүөттэр көтөр балаһалара сөп түбэһэр буоллаҕына, хампаанньа онно хаарчаҕа суох сөмөлүөтүн ыытар. Биһиги хампаанньабыт сөмөлүөттэрэ бэйэлэрин көтөр расписаниеларынан толору үлэлииллэр. «Якутия» авиахампаанньа сөмөлүөттэрэ тоҕо тардыллалларын салалта бэйэтэ билэр.

Онон бу күннэргэ бу суолталаах боппуруос быһаарыллан, дьону эрэйдиир кыһалҕа тохтууругар эрэнэбит.

 

Елена ПОТОЦКАЯ, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0