Коронавирус дьаҥа барыбытын дьиэҕэ олордон, таһырдьааҥы олоҕу кытта сибээстиирбит, саатанарбыт эрэ дьиэтээҕи түннүкпүт буолла.
edersaas.ru
«Түннүгүнэн көрдөххө, киһи үксэ хаама сылдьар, ким да хонтуруоллаабат дии» диэн батсаапка үгүс сурук кэлэр.
Бу сарсыарда мин эмиэ, үгэспинэн, таһырдьааҥы олоҕу көрөн-истэн ылаары, түннүкпэр чугаһаатым. Итиэннэ тута, элбэх киһи тоҕуоруһан турар сиригэр хараҕым хатанна.
Өйдөөн көрбүтүм, полициялар ааһан иһээччилэри бэрэбиэркэлииллэр эбит. Дьон сиэптэриттэн хостоон, кумааҕы тэлимнэтии бөҕөлөр. Тэрилтэлэриттэн ылбыт ыспыраапкаларын көрдөрөллөр бадахтаах. Дьахтардаах эр киһини өр туттулар, туох эрэ боротокуолун толордулар быһыылаах.
Дьэ, онон, күндү доҕоттор, болкуоммутугар тахсан салгын сии-сии, дьиэбитигэр олорбуппут ордук. Ыарыы куттала бэрт. Ону өйдүөххэ наада.
Елена ПОТОЦКАЯ, «Саха сирэ» хаһыат, edersaas.ru
+1
+1
+1
+1
+1
+1
+1