Уус Алдантан Полина Находкина-Победа Петр Тобуруокапка анаабыт саҥа хоһоонун ааҕыҥ.
Тобуруокап тоҕото
Тиийэн кэллэ бэйэбэр
Тоҕо киһи кырдьарый?
Тоҕо олох кылгаһый?
Тоҕо дууһа ылыммат
Кырдьыан отой баҕарбат?
Тоҕо дьолго дьулуһар?
Тоҕо дьоҥҥо талаһар?
Тоҕо бачча саастарга
Баҕа санаа баһаамныыр?
Өлөн иһэн өйдөммүт
Диэбит курдук буолабыт?
Тобуруокап убайбыт
Тоҕус төгүл тоҕото
Тыытта өйү-санааны,
Толкуйдатта үйэ саас.
Тоҕо бары бу манна
Муһуннубут дьэ бары?
Тобуруокап тоҕотун
Таабырынын таайаары.
Уонна хаһан кэлиэмий?
Уонна хаһан көрүөмүй?
Сүдү киһи дойдутун,
Тобуруокап күһүнүн?
Полина-Победа
+1
+1
+1
+1
+1
+1
+1