Хайа баҕарар улууска киэн туттар, аатын өрө тутар үтүө киһилээх буолаллар.
Сунтаардар улуу олоҥхоһуттарын Сергей Зверевы-Кыыл Уолун аатын ааттатар дьоро күннэрэ тосхойдо.
edersaas.ru, Полина-Победа
Улуустарын киинигэр чугаһынан тыа сиригэр булбат сүдү тутуу — Норуот айымньытын киинэ аһыллар дьоро күннэрэ үүннэ. Ити бэйэлээх баараҕай тутууга бэйэлэрин чулуу киһилэрин Сергей Зверев-Кыыл Уолун аатын иҥэрбиттэрин бигэргэтэр, билинэр үтүө күннэрэ буолар.
Эҕэрдэ буоллун Сунтаар олохтоохторугар маннык үөрүүлээх күннэринэн!
Киһи хайа да түгэҥҥэ махталлаах, кэрэни кэрэхсиир, үөрүүнү үллэстэр үтүө өрүттээх буолара кимҥэ да, туохха да куһаҕаны аҕалбыта суох.
Ол өйдөбүлүнэн Сунтаардарга, бэйэм эҕэрдэбин тиэрдэбин хайдах сатыырбынан, дууһам ылынарынан. Үгүс үтүө дьону билэбин, билсэбин, эдэр сааһым эрэллээх доҕотторо да бааллар ити улууска.
Сунтаар бүгүн ыҥырар
Соҕурууттан-хотуттан,
Улуу киһи Кыыл уолун
Аатын күүскэ ааттыыллар.
Тылым барбат «Кыыл» диэхпин
Маннык сүдү киһини,
Бары «Күн, Ый» дэммэппит
Киммит эрэ ааттыын кыах
Киһи бастаан Еваттан
Төрөөбүтэ дэһэллэр,
Олоҥхобут аҕатын
Саха ааттыыр Кыыл уолун.
Үйэни да уҥуордаан
Сүппэт-оспот Кыыл аата,
Сунтаар кэрэ тутуутун
Ааттаатылар киэн тутта.
Сунтаар дьоро бу күнэ —
Бүтүн дойду үөрүүтэ!
Саха дэнэр ким бары
Тэҥҥэ үөрсэр түгэнэ!
Полина Победа
Уус-Алдан
22.09.2020с.