«Кыымтан» салгыы салҕанан,
Саҕахтары арыйан,
«Саха сирэ» хаһыаппыт-
Саҥа көрүү, саҥа тыын!
Саҥа ааты ылынан,
Саҥа сонун күннэтэ
Саҥа ньыма күүһүнэн
Салгын устун тарҕанар.
Саҥа үйэ ыччата
Билии-көрүү эйгэлээх,
Сүүрүк аттыы тэтимнээх
Сэргэ хаамсар олохтуун.
Күнү түүммүт, түүнү күн
Күлүмнэһэ солбуйсан
Үбүлүөйдээх саастарга
Үктэнэрэ бу кэллэ!
Элбэх сэргэх сонуну
«Саха сирэ» хаһыаппыт
Тарҕаттаҕа, тиэртэҕэ
Саха дьоно аахтаҕа.
Араас албас күүһүнэн
Аахпат, билбэт аны суох,
Маннык күүстээх тэтимҥэ
«Сахам сирэ», самныма.
Саха тыла сүппэтин!
Саха тыына уһаатын!
Кэнчээритэ, ыччата
Күн эргиирин батыстын!
Полина-Победа
Уус Алдан
2021с.
+1
+1
+1
+1
+1
+1
+1