Кыратыттан уол оҕо
Дьиэҕэ туһа киһитэ:
Илии-атах эһээҕэ,
Көрөр харах эбээҕэ.
Аҕатыгар абырал,
Ийэтигэр иһирэх
Сөпкө тутуоҥ кинини —
Үүннэриэҕиҥ Эр бэрдин.
Кыратыгар харыстааҥ!
Эдэригэр эрэниҥ!
Аналлааҕа, аанньала
Таҥнарбатын хаһан да!
Үтүө сыһыан үүннэрбит
Эр киһитэ эрэллээх!
Кини күүстээх санаалаах!
Кини үтүө сүрэхтээх!
Эркин курдук эрэллээх,
Дурда курдук хаххалаах
Эр киһилээх дьиэ кэргэн
Туллаҥнаабат туруктаах!
«Үс кырыылаах Эр бэрдэ!»
Бэргэнник да эппиттэр!
Тапталынан таҥыаҕыҥ,
Эр киһини өйүөҕүҥ!
Полина-Победа,
Уус Алдан
06.11.2021с.
+1
+1
+1
+1
+1
+1
+1