РОССИЯ БЫЛААҔА
Омуккун араарбат,
Биир тыыҥҥа тыыннарар,
Биир суолга угуйар
Дойдубут былааҕа.
Бөтөрбүүр Бүөтүрэ
Толкуйдаан, тобулан
Баар буолта былаах диэн
Сомоҕо туоһута!
Кыра да, күүстээх да
Ол тыаллыын тэҥинэн
Наҕыллык, тэтимник
Тэлимнээ былаахпыт!
Кыайыыбыт, түмсүүбүт,
Эрэлбит, дьылҕабыт,
Дойдубут сирэйэ
Кэпсэнэр киниэхэ!
Инники сылдьарга,
Дойдуну таптыырга
Үөрэтэр, такайар
Аналлаах буолаҕын!
Үөрүүнэн, күүскүнэн
Киэн тутта өрүүтүн
Күүстээхтик тэлимнээ
Үс өҥнөөх былаахпыт!
«Туох ханнык үһүстээн»-
Дэттэрбит былаахпыт
Сир, халлаан иитигэр
Самнары билимэ!
Полина- Победа,
2022 с.
+1
+1
1
+1
+1
+1
+1
+1