Полина-Победа: «Өрүс эстиитэ»

Көмүөл мууһу көҥү анньан
Көҥүл ылбыт тоҥ мууспут
Күрүлэччи тыаһаан-ууһаан
Күйгүөрүйэ уһунна.

Өрүс эстэр модун күүһүн
Өрүү сөҕө көрөбүн,
Курус санаа курдук тыаһын
Иһийэммин истэбин.

Уйулҕабын уратытык
Олус аймыыр бу түгэн:
Күүстэнэбин, куттанабын
Кини сүдү күүһүттэн.

Адаарыччы үрүт үөһэ
Үөмэхтэспит муустары
Ханна эрэ ыраах хоту
Үнтү анньан истэҕэ.

Устууй оргууй мөлбөһүйэ
Өрүс сүнньүн тутуһан,
Аймаммакка этэҥҥэтик
Дьону үөрдэ доллоһуй.

Полина- Победа
Уус Алдан