Пандемияны да билиммэккэ, сэргэхсийэр күннэрбит үүннүлэр — боотурдар оонньуулара саҕаланнылар! Дьиэҕэ олорон «ыалдьыы», бастыҥ боотуру талыы, ким муҥутуур бириискэ тиксэрин билгэлээһин. Ити барыта киһини ураты турукка киллэрэр, күүркэтэр, көнньүөрдэр. Санааны-оноону, ыарыыны кыйдаһар.
Ким күүстээҕин, ким үчүгэй бэлэмнээҕин биэтэк быһаарыа.
ДЫГЫН ООННЬУУЛАРА
Эдэрдиин, эмэнниин
Эйэбит бүттэҕэ,
Экэрээн иннигэр
Ыалдьабыт тус-туспа:
Ким Егор, ким Артём,
Үһүспүт атыҥҥа
Үөгүлүү былаастаах
Күрэҕи көрөбүт.
Бу Дыгын оонньуутун
Сыл аайы сэргиибит,
Ким Боотур буоларын
Күүркэтэ таайсабыт.
Ыалдьааччы эйгэтэ
Тэҥинэн дьэ күүрэр,
Барыбыт сүрэхпит
Биир тэҥҥэ битийэр.
Оо Дыгын оонньуута!
Оо Боотур уолаттар!
Кыырайа кылыйыҥ!
Быыппаста дьэ сүүрүҥ!
Сахабыт оонньуутун
Омуктар көрдүннэр!
Көрдүннэр, сөхтүннэр!
Саханы биллиннэр!
Полина-Победа
Уус Алдан