Үөрэх уонна наука

Полина-Победа: БИЛИИ КҮНҮНЭН!

БИЛИИ КҮНҮНЭН

Сиэнчээним улаатан бу бүгүн
Оскуола боруоҕун атыллыыр,
Мин номнуо сааһырбыт эбиппин
Уйаннык ылынным ол ону.

Кып-кыра көстүүмүн көннөрөр
Көрүнэр тулатын эргиччи,
Олох диэн эриирдээх буоларын
Сэрэйбэт кыракый бэйэтэ.

Сэрэйбэт сүрэҕэ элбэҕи:
Эбэтэ долгуйар дууһатын,
Ийэлээх-аҕатын үөрүүтүн,
Учуутал сыратын биэриэҕин.

Билиитин хаҥата күннэтэ
Улаатыа сиэнчээним сыллата,
Талааннаах, дьаныардаах, тулуурдаах
Таластын өрүүтүн кэрэҕэ.

Аан маҥнай үөрэнэ киирбитэ
Өр кэмҥэ өйүгэр хаалыахтын,
Маҥнайгы учуутал кыһата
Тирэх күүс буолуохтун олоҕор.

Полина-Победа
Уус Алдан

0
0