Чараҥ

Полина-Победа: «1 Маай күнэ»



1 МААЙ КҮНЭ

Дьиэ аайы мутукча тыллара,
Ыал аайы сүпсүлгэн буолара:
Кумааҕы сибэкки оҥостуу,
Ылсыһыы, бэрсиһии, уларсыы.

Эйэбит бэлиэтэ холуубу
Салпакка сөбүлээн
тутарбыт,
Оҕолуу сирэйдиин сырдааммыт
Ырыалаах сэлэлии хаамсарбыт.

Дойдуга тапталы билинэр
Ырыаны ньиргиччи ыллыырбыт,
«Комсомол, Ударник» диэн тыллар
Күүскэтик этиллэр этилэр.

Үлэһит дьоннору чиэстээннэр
Үөрүүнэн туолара норуоппут,
Ыанньыксыт съездкэ кыттара,
Хотонтон Москуба чугаһа

Суохтаабыт эбиппин олуһун
Көҥүллүк тыынарбын, сылдьарбын!
Баҕарар эбиппин билигин
Кумааҕы холууптаах хаамыахпын…

Полина-Победа
Уус Алдан
01.05.2021с.

0
0