Уопсастыба

«Полиметалл» Томпо балыыһатыгар көмөлөстө

«Полиметалл» тэрилтэ 5,5 мөл солкуобайы Томпо улууһун киин балыыһатыгар КТ кэбиниэтин бэлэмнээһиҥҥэ биэрдэ .

Бу сүҥкэн үбүнэн өйөбүлү бөдөҥ промышленнай тэрилтэ доруобуйа харыстабылыгар социальнай-экэнэмиичэскэй сөбүлэҥи түһэрсии чэрчитинэн оҥордо. Көмпүүтэр томографиятын кэбиниэтэ Томпо улууһун киин балыыһатыгар аһыллыаҕа. Бүгүҥҥү күҥҥэ балыыһа бастакы таһымнаах медицинскэй өҥөнү оҥорор кыахтаах. Аныгы технология ирдэбилигэр эппиэттиир көмпүүтэр томографиятын кэбиниэтэ балыыһаны өссө үрдүк таһымҥа таһаарыаҕа. Манна төбөҕө хаан туруутугар, ыарахан эчэйиигэ диагноз туруорууга сүҥкэн көмөнү оҥоруоҕа диэн балыыһа кылаабынай бырааһа Владислав Крылов бэлиэтиир. КТ эчэйиини, тымыр ыарыытын чинчийэр, искэн ыарыытын эмтиир кииннэри тэрийиигэ олугунан буолуоҕа. Бу тэрили бары ирдэбиллэри барытын тутуһан туруоруохтара.

Елена ПОТОЦКАЯ, «Саха сирэ» хаһыат, edersaas.ru

0
0

Добавить комментарий