Уопсастыба Эдэр саас

«Полиметалл» Саха сирин олохтоохторун үлэнэн хааччыйарга бэлэм

Өрөспүүбүлүкэ соҕуруу, арҕаа, хоту улуустарыгар промышленнай хампанньалар кэлэннэр, ыраах тайҕаҕа үлэлииргэ бары өттүнэн табыгастаах баахтабай бөһүөлэктэр тутулуннулар. Бу бөһүөлэктэргэ сүүһүнэн, тыһыынчанан киһи хас да ый устата олорон үлэлиир. Арассыыйаҕа Металлург күнүн көрсө «Полиметалл УК» АУо Саха сиринээҕи филиалын дириэктэрин персоналга уонна социальнай боппуруостарга солбуйааччы Наталья Чепурнованы кытары көрсөн кэпсэттибит.

edersaas.ru

 

«Полиметалл» хампаанньа олохтоохтору үлэнэн хааччыйыыга үгүс болҕомтотун уурарын таһынан, өссө оскуола саҕаттан профориентационнай үлэни анаан ыытара сөхтөрөр. Онон үрдүкү кылаас оҕолоро промышленнай салаа араас идэлэрин кытары эрдэттэн билсэллэр.

«Полиметалл» туһунан кэпсиир буоллахха, хампаанньа аан дойдуга кыһыл көмүһү итиэннэ үрүҥ көмүһү оҥорон таһаарааччылар ортолоругар инники күөҥҥэ сылдьарынан биллэр. Арассыыйаҕа уонна Казахстаҥҥа активтардаах. Арассыыйаҕа үрүҥ көмүһү хостооһуҥҥа бастакы, кыһыл көмүһү хостооһуҥҥа иккис миэстэҕэ сылдьар. Аатырбыт «ФОРБС» сурунаал рейтининэн, «Полиметалл» биэс бастыҥ хампаанньалар истэригэр киирэр.

Хампаанньаҕа уопсайа 12 тыһыынчаттан тахса киһи үлэлиир. Онтон «Полиметалл» алын сүһүөх тэрилтэлэрэ Саха Өрөспүүбүлүкэтигэр «Южно-Верхоянскайдааҕы горнодобывающай хампаанньа» АУо Томпо улууһугар Нежданинскайдааҕы учаастакка уонна Үөһээ Дьааҥыга «Прогноз-Серебро» ХЭТ үлэлииллэр. Билигин манна чинчийии үлэлэрэ, инфраструктураны тутуу ыытыллаллар.

Биһиги тэрилтэбитигэр араас идэлээх дьон үлэлииллэр. Сүрүн исписээлинэстэр геологоразведканы, туһалаах баайы-дуолу хостооһуну кытары сибээстээхтэр – химиктар, маркшейдердар, флотатордар, дробильщиктар уо.д.а. Суоппардар, механиктар, экономистар, бухгалтердар бааллар. Биһиги өрөспүүбүлүкэтээҕи, улуустардааҕы Үлэлээх буолуу кэмитиэттэрин, Үлэ биржаларын кытары ыкса сибээстээхпит. Маны таһынан, номнуо хаһыс да сылын Хаандыгатааҕы горнай-геологическай техникуму кытары ыкса үлэлээн, устудьуоннар биһиги учаастактарбытыгар практикаланаллар, стажировканы ааһаллар. Хотугулуу-Илиҥҥи федеральнай университет Хайа институтун кытары эмиэ үлэлиибит, — диэн Наталья Валерьевна кэпсиир.

Нежданинскайдааҕы учаастакка 2021 сылга хайа байытар фабрика үлэҕэ киирээри турар. Онон үлэһит илии ахсаана лаппа элбиэхтээх. Билиҥҥи туругунан номнуо 5 толору хааччыллыылаах олорор куорпус тутулунна. Санитарнай-бытовой комплекс тутуллубут. Остолобуой, суунар сир, медпуун, сынньанар сир баар. Онон уһун кэмҥэ олорон үлэлииргэ усулуобуйа барыта тэриллибит.

— Наталья Валерьевна, Саха сиригэр эрэ буолуо дуо, дойду үрдүнэн үлэ боппуруоһа сытыытык турар. Биһиги эрэгийиэммит промышленнай буолан, тастан элбэх хампаанньа кэлэн үлэлиир. Эһиэхэ олохтоохтору үлэнэн хааччыйыы боппуруоһа хайдаҕый?

Манна бастаан биир боппуруоска тохтуом этэ. Оскуоланы бүтэрэр оҕолор металлург, горняк идэтин эрдэттэн билиэ-көрүө этилэр диэн баҕа санаалаахпыт. Онтубутун олоххо киллэрэн, билиҥҥитэ икки оройуоҥҥа — Томпоҕо уонна Үөһээ Дьааҥыга профориентационнай үлэни ыытабыт. Холобур, Дьааҥы улууһугар биһиги үрдүкү кылаас оҕолорун кытары мэлдьи көрсөбүт. Предприятиебыт туһунан кэпсиибит. Томпо улууһугар былырыын күһүн хайа баайын хостуур хампаанньалар бастакы профориентационнай конференцияларын тэрийэн ыыппыппыт. Манна Үөрэҕирии министиэристибэтин, Киһи хапытаалын ааҕыныстыбатын, промышленнай хампаанньалар, ол иһигэр АЛРОСА, «Полюс-Алдан» уо.д.а. бэрэстэбиитэллэрэ кыттыыны ылбыттара. Бу тэрээһиҥҥэ уопсайа 200-кэ истээччи сылдьыбыта.

Аны балаҕан ыйыгар «Атлас профессии» диэн буклеты бэлэмнии сылдьабыт. Үрдүкү кылаас оҕолоругар тарҕатыахпыт. Манна биһиги промышленнай идэлэр тустарынан кэпсиэхпит. Үөрэх кыһаларын туһунан эмиэ.

— «Полиметалл» хампаанньа 121 олохтоох ыччаты анаан-минээн үөрэтэн, үлэнэн хааччыйыахтаах диэн иһитиннэриини соторутааҕыта социальнай ситимнэргэ көрөн ааспытым. Бу туһунан кэпсиэххит дуо?

— Өссө мантан элбэх сыыппара буолара буолуо.б2021 сыл бастакы кыбаарталыгар Нежданинскайдааҕы хайаны байытар кэмбинээт үлэтин саҕалыахтаах. Фабрикаҕа 235 киһи үлэлиирэ былааннанар. Мантан оробуочай исписээлинэстэргэ 200-кэ киһи. Онон «Полиметалл» хампаанньа олохтоохтору кылгас болдьох кэм иһигэр сонун, саҥа идэлэри баһылыырга үөрэххэ ыҥырыаҕа. Бу кэнниттэн баҕалаахтары үлэҕэ ылыаҕа. Ол курдук бу күһүҥҥүттэн үс үөрэх кыһатыгар истээччилэри үөрэххэ ылыахтара. Үөрэҕи бүтэрбиттэр номнуо аны саас, 2021 сылга, «Полиметалл» Южно-Верхоянскайдааҕы хампаанньатын «Нежданинскайдааҕы» учаастагар үлэлии барар кыахтаналлар.

Былаан быһыытынан, Южно-Верхоянскайдааҕы хампаанньа сайаапкатынан «электрогазосварщик» идэтигэр Дьокуускайдааҕы промышленнай техникумҥа 12 үөрэнээччини, «электромонтер по ремонту и обслуживанию электрооборудования» идэҕэ 7 үөрэнээччини Дьааҥытааҕы элбэх хайысхалаах лицейга ылыахтаахпыт. Атын исписэлиистэри Хаандыгатааҕы горногеологическай техникум бэлэмниэхтээх. Уус Ньаратааҕы техникумҥа 20 киһи «концентраторщик» уонна «машинист конвейера», Уус Маайаҕа «фильтровальщик» уонна «машинист конвейера» идэҕэ 20 киһи үөрэниэхтээх. Онтон Хаандыгаҕа «машинист конвейера», «флотатор», «фильтровальщик», «сушильщик», «аппаратчик сгустителей», «аппаратчик узла затаривания», «машинист мельниц», «дробильщик», «бункеровщик», «растворщик реагентов» идэлэргэ бэлэмниэхтэрэ. Куурустар 3-6 ый болдьохтоохтор. Барыллааһын быһыытынан, Дьокуускай куорат уонна Дьааҥы, Томпо, Өймөкөөн, Уус Маайа, Мэҥэ Хаҥалас, Уус Алдан, Чурапчы, Хаҥалас, Амма, Нам олохтоохторун үөрэххэ ыытыахтара.

Былырыыҥҥыттан биһиги үөрэҕирии министиэристибэтин, үлэлээх буолуу департаменын, техническэй үөрэх кыһаларын кытары күүскэ үлэлэһэн, Хаандыгатааҕы техникумҥа 9-с кылааһы бүтэрбит 25 үөрэнээччини талбыппыт. Кинилэри кэтээн көрүөхпүт, эксээмэн тутуохпут. Онтон быйылгы үөрэх дьылыгар 11 кылааһы бүтэрбит 25 оҕону сүүмэрдээн ылан, анал бөлөх тэрийиэхпит. Кинилэри бүтэрбиттэрин кэннэ үлэҕэ ылыахпыт. Ол гынан баран, сорох дьон баахта үлэтин тулуйбат. Бастакы баахта кэнниттэн атын үлэҕэ барар. Маны таһынан СӨ Үөрэҕин министиэристибэтин бирикээһинэн 2020-21 сылларга кылгас болдьохтоох үөрэхтэргэ үөрэтии туһунан. Онон балаҕан уонна алтынньы ыйдарыгар истээччилэри үөрэххэ ылыахпыт, — диэн Татьяна Валерьевна кэпсээнин түмүктээтэ.

 

«Полиметалл» хампаанньа «Олохтоох дьону — промышленноска» өрөспүүбүлүкэтээҕи бырагыраамаҕа көхтөөхтүк кыттар. Үлэ дьаарбаҥкаларыгар өрүү кыттарын таһынан, профориентационнай үлэни тиһиктээхтик ыытар. 2021 сыл кулун тутарыттан саҕалаан 200-кэ киһини үлэҕэ ылар былааннаах.

edersaas.ru

0
0
Telegram @edersaas20

Добавить комментарий