Полиметалл Прогноз баайдаах сиргэ аһаҕастык хостооһуну саҕалааһыны түргэтэтиэҕэ
Полиметалл Прогноз баайдаах сиргэ аһаҕастык хостооһуну саҕалааһыны түргэтэтиэҕэ.
Полиметалл Нежданинскайдааҕы байытар фабрикаҕа руданы таҥастааһыҥҥа анаан Прогноз баайдаах сиргэ аһаҕастык хостооһуну саҕалааһыны түргэтэтэр туһунан Дириэктэрдэр сэбиэттэригэр быһаарыы ылыммыттарын туһунан иһитиннэрэр. Бастакы табаарынай булкадаһыгы оҥорон таһаарыыны 2023 сыл үһүс кыбартаалыгар торумнаабыттар.
“Прогноз рудатын Нежданинскайга таҥастыыр туһунан быһаарыныы Полиметалл үлэһиттэрин уонна үбүн-харчытын салайыыга көмөлөһүөҕэ. Бырайыагы түргэнник үлэлэтии угуллар үбү уонна ночооту, тулалыыр эйгэҕэ буортуну оҥорорун аччатыаҕа”, — диэтэ Виталий Несис, Полиметалл кылаабынай толорооччу дириэктэрэ.
Бырайыак туһунан
Үлэни 2022 сыл үһүс кыбаарталыттан саҕалаан 2023 сыл бастакы кыбаарталыгар бастакы руданы хостуохтара. Сылга 600 г/т кэриҥэ үрүҥ көмүстээх 250 тыһыынча туонна руданы хостуур былааннаахтар.
Прогноз рудатын таҥастааһын сылга 2,2 мөл туонна кыамталаах Нежданинскайдааҕы байытар фабрикаҕа ыытыллыаҕа. Руданы кыһыҥҥы суолунан Прогнозтан Нежданинскайдааҕы былаһааккаҕа диэри таһаҕаһы тиэйэр массыыналар таһыахтара.
Концентраттаах тимири оҥорон таһаарыы үрүҥ көмүс эквиваленыгар таһаардахха 120 мөл унцийга тэҥнэһиэҕэ.
Бырайыакка 105 мөл US$ үп угуллуоҕа, 2021 сылга итинтэн бырайыакка уонна бэлэмнээһиҥҥэ 20 мөл US$. 2022-2024 сылларга хайа тиэхиньикэтин атыылаһыыга, тэйиччи сытар оҥорон таһаарар былаһааккаҕа инфраструктураны тэрийиигэ, суолу тутууга 85 мөл US$ ороскуоттаныаҕа.
Сахагов саайтан
Бэлэмнээтэ Женни Стрюкова
Хаартыска: тустаах саайтан