«Полиметалл» көмүһү хостуур сирдэрэ мобильнай сибээһинэн хааччылыннылар
МегаФон мобильнай сибээс оператора «Прогноз» уонна «Нежданинскай» көмүстээх сирдэргэ баар баахта бөһүөлэктэрин суотабай сибээһинэн хааччыйда.
edersaas.ru
Базовай станциялары туруоруу бырайыага МегаФон ПАУо «Полиметалл» хампаанньаны кытары түһэрсибит сөбүлэһиитигэр олоҕуран олоххо киирдэ.
«Нежданинскайга» мобильнай оператор номнуо иккис эбийиэгэ. Онтон «Прогнозка» урукку өттүгэр спутниковай сибээһинэн туһаммыт буоллахтарына, билигин манна мобильнай сибээстэннилэр.
Мария Харлампьева, Мегафон хампаанньа Саха сиринээҕи салаатын корпоративнай бизнеһи сайыннарыыга салайааччыта:
— Бу биһиги корпоративнай килийиэммит «Полиметалл» бастакы сакааһа буолбатах. Ыраах, сылдьарга эрэйдээх сирдэргэ сибээһи сайыннарыыны сөптөөҕүнэн уонна наадалааҕынан ааҕан, биһиги бу тыын суолталаах кыһалҕаны быһаарыыга куруук бэлэммит.
«Полиметалл УК» АУо Саха сиринээҕи салаатын дириэктэрин солбуйааччыта Наталья Чепурнова:
— Билигин «Прогноз» уонна «Нежданинскай» баахта бөһүөлэктэригэр 600 киһи үлэлиир. Билигин бары суотабай сибээһинэн хааччылыннылар.
edersaas.ru