Поликлиникаларга уонна балыыһаларга абаансаны биэрии ураты бэрээдэгин бырабыыталыстыба уһатта
Поликлиникаларга уонна балыыһаларга абаансаны биэрии ураты бэрээдэгин бырабыыталыстыба уһатта. Бу туохха көмөлөһүөй?
Булгуччулаах мэдиссиинискэй страховкалааһын тиһигэр үлэлиир балыыһалар уонна поликлиникалар абаансанан төлөбүрдэри муҥутуурдук ылан, билиҥҥи тустаах кыһалҕаларыгар туһаныахтара. Маннык бэрээдэк 2020 сыл бүтүөр диэри уһатылынна. Бу уураахха Бырабыыталыстыба Бэрэссэдээтэлэ Михаил Мишустин илии баттаата.
Эмп тэрилтэлэрэ үгэс курдук хас ый ахсын страховкалааһын пуондатыттан 50 бырыһыантан ордуга суох кээмэйдээх ыйдааҕы үбүлээһини абаансанан ылааччылар. Ол кэннэ мэдиссиинэ көмөтүн кээмэйин толордохторуна эрэ бүтэһиктээх ааҕыыны ылаллара.
Ол эрээри коронавирус дьаҥыттан сылтаан пациеннары былааннаах көрүү-истии аччаабыта, төлөбүрдээх өҥө дохуота эмиэ түспүтэ. Маныаха үлэһиттэр хамнастарын, хомунаалынай өҥө, нолуоктары уонна кирэдьииттэри төлөөһүн оннунан хаалбыта.
Иэһи таһаарбат уонна мэдиссиинэ үлэһиттэригэр хамнастарын оннунан хаалларар туһугар тэрилтэлэри абаансалааһын бэрээдэгэ уларыйбыта. Ыам ыйыттан саҕалаан кинилэр тустаах пуондаттан төһө кээмэйдээх өҥөнү оҥорбуттарыттан тутулуга суох ыйдааҕы үбүлээһини 100 быр. ылаллар уонна бу үбү тустаах наадаларыгар туһаналлар. Маннык быраабыла 2020 сыл бүтүөр диэри уһатылынна.
РФ Бырабыыталыстыбатын пресс-сулууспата
Бэлэмнээтэ Женни Стрюкова
Хаартыска: тустаах саайтан