Поликлиникалар хайдах үлэлииллэрий?

Бөлөххө киир:

Сыл аайы күһүн нэһилиэнньэҕэ кирииби утары вакцинация ыытыллар. Быйылгы былааннаммыт вакцина — 415 тыһыынчаттан тахса доза өрөспүүбүлүкэҕэ кэлэн, бүгүҥҥү күҥҥэ ыраах сытар улуустарга тиэрдиллэр. Эмтиир тэрилтэлэргэ быһыы оҥорорго кэлэктиибинэн сайаапкалары ылаллар. Нэһилиэнньэ 60%-нын босхо быһыынан хабар былааннаахтар.

Билигин поликлиникалар, балыыһалар хайдах үлэлииллэрий?” диэн элбэх ыйытыы киирэр. Доруобуйа харыстабылын миниистирэ Елена Борисова иһитиннэрбитинэн, бары эмтиир тэрилтэлэргэ диспансеризация уонна профилактика быһыытынан көрүү ыытыллаллар. Эрдэттэн суруйтаран баран, бырааска баран көрдөрүөххэ сөп. Хирургияҕа былаанынан көрөн, эмтээн эрэллэр. Холобур, Национальнай мэдиссиинэ киинигэр нэдиэлэ иһигэр 458 эпэрээссийэни оҥордулар.

Балаҕан ыйын 1 күнүттэн офтальмологическай балыыһаҕа былаанынан көрүү, эмтээһин саҕаланар. Улуустарга эмиэ эрдэттэн суруйтаран баран, былааннаахтык көрүү, эмтээһин ыытылла турар. Оскуолаҕа 2,5 миэтэрэ тэйиччи сылдьыллыахтаах диэн ирдэбил баар, мэдиссиинэ тэрилтэлэригэр эмиэ туспа ирдэбиллэр киирдилэр.

Ангелина Васильева, “Саха сирэ” хаһыат, edersaas.ru

Хаартыска: интэриниэттэн.

+1
0
+1
0
+1
0
+1
0
+1
0
+1
0
+1
0