Маны аах Уопсастыба Экэниэмикэ

Покровскайга ууну ыраастыыр ыстаансыйа үлэҕэ киирэрэ чугаһаата

«Олорор дьиэ уонна  куорат эйгэтэ» федеральнай бырайыак иһинэн  «Ыраас уу» бырагыраама чэрчитинэн,  Хаҥалас улууһун Покровскай куоратыгар  ууну ыраастыыр ыстаансыйаны тутуу түмүктэнэн эрэр.

Бу күннэргэ СӨ ОДьКХ уонна энэргиэтикэҕэ миниистирин 1-кы солбуйааччы  Виктор Романов  тутуу хайдах-туох ыытыллыбытын бэрэбиэркэлээтэ.  Тутуу 88 %-на кээрэтиллибит.  Ол курдук, оборудованиелара туруоруллубуттар, ититии бэриллибит, уот уонна сибээс ситимнэрэ холбонуллубуттар.  Онон ыстаансыйа  ахсынньыга үлэҕэ киириэҕэ. Эбийиэк 2020 сылтан тутуллар, үлэҕэ киллэрэргэ  федеральнай уонна өрөспүүбүлүкэтээҕи бүддьүөттэртэн  315,3  мөлүйүөн солкуобай тыырыллыбыт.

 

Бырайыак быһыытынан  ыстаансыйа сууккаҕа 2200 куб.м ууну ыраастыахтаах. Эбийиэк быйыл ахсынньыга үлэҕэ киирдэҕинэ, Покровскай куорат 7000-тан тахса олохтооҕо  дьыл ханнык да кэмиттэн тутулуга суох ыраас уунан хааччыллыаҕа.

edersaas.ru

 

 

 

 

 

0
0