Бу туһунан Хаҥалас НКИХ филиала иһитиннэрдэ. «Самартай» тыа хаһаайыстыбатын кэпэрэтиибэ үүт уонна эт аһылыгын бородууксуйатын оҥорон таһаарыытынан 1997 сылтан дьарыктанар. Тэрилтэ бородууксуйата Хаҥаласка эрэ буолбакка, Дьокуускай куоракка эмиэ тарҕанар.
edersaas.ru
“Үрүҥ Маркет» диэн ааттаах фирменнэй маҕаһыын аан маҥнайгытын Тиит Эбэҕэ баар буолбута. Аны, билигин Покровскай куоракка үлэтин саҕалаата. Уопсайа 100 кв. м. иэннээх киэҥ-куоҥ сири супер-маркет курдук тэрийдилэр. Онон атыылаһааччылар олохтоох бородууксуйаны сөбүлээбиттэрин бэйэлэрэ хомуйан, каассаҕа төлүүллэр.
Манна, этэллэринэн, сибиэһэй аһы-үөлү нэдиэлэҕэ үстэ аҕалаллар. Кэлин дьиэҕэ аҕалан биэриини эмиэ тэрийиэхпит диэн маҕаһыын үлэһиттэрэ этэллэр. Өссө, кэлэр сылга, Дьокуускай куоракка улахан фирменнэй маҕаһыын арыллара былааннанар.
+1
+1
+1
+1
+1
+1
+1