Покровскайга оҕо ускуустубатын оскуолата саҥа тэрилинэн хааччыллыа...
Олох-дьаһах - Саха ыала

Покровскайга оҕо ускуустубатын оскуолата саҥа тэрилинэн хааччыллыа

Покровскайдааҕы оҕо ускуустубатын оскуолата «Култуура» национальнай бырайыагынан  2021 сылга музыкальнай үстүрүмүөнүн, үөрэнэр матырыйаалын, о.д.а. тэрилин саҥардар кыахтанна. Онон кэлэктиип, оҕолор уонна төрөппүттэр үөрүүлэрэ улахан.
Санатан эттэххэ, саҥа сылга оҕо ускуустубатын оскуолалара саҥа тэриллэринэн, үөрэх матырыйаалынан хааччыналларыгар анаан 47,8 мөл.солк. үп көрүллүбүтүттэн, федеральнай бүддьүөттэн — 43,9 мөл.солк., өрөспүүбүлүкэ бүддьүөтүттэн кыттыгас үбүлээһининэн — 3,8 мөл.солк. тэҥ. Бу үпкэ-харчыга тоҕус оскуола, ол иһигэр икки арктическай: Үөһээ Халыма улууһунааҕы (4,6 мөл.солк.) уонна Верхоянскай оройуонугар Баатаҕайдааҕы оҕо ускуустубатын оскуолата (5,5 м6л.солк.) киллэриллибиттэрэ. Мииринэйгэ оҕо ускуустубатын оскуолата (6,4 мөл.солк.), Жатайдааҕы оҕо ускуустубатын оскуолата – 5 мөл.солк., А.А.Черемных аатынан Амматааҕы ДШИ – 6,6 мөл., Н.И.Бойлохов аатынан Үөһээ Бүлүүтээҕи ДШИ – 4,6 мөл., Горнай улууһугар Бэрдьигэстээххэ оҕо ускуустубатын оскуолата – 4,1 мөл., Хаҥаласка Покровскайдааҕы оҕо ускуустубатын оскуолата – 5 мөл., Таатта улууһугар Ф.С.Аргунов аатынан оҕо ускуустубатын оскуолата – 5,5 мөл.солк. кэнчээри ыччаты үөрэтэргэ тэриллэрин саҥардыныахтаахтар.
Покровскайга оҕо ускуустубатын оскуолата 1958 сыллаахтан үлэлиир. Бу сыллар усталарыгар бу кыһаны 700-тэн тахса оҕо бүтэрдэ. Элбэх выпускник култуура-ускуустуба эйгэтин талбыттара. Кыһа үлэлээбитин тухары, кэлэктиип үөрэтэр оҕолоро идэлэрин талалларыгар улахан болҕомтотун уурар. Улуус уонна Покровскай култуурунай-сырдатар олоҕор өрүүтүн көхтөөх кыттыыны ылаллар. Ускуустуба оскуолатын үөрэнээччилэрэ оҕолорго аналлаах музыкальнай, үҥкүү, уруһуй куонкурустарыгар, бэстибээллэрэригэр кыайыылааҕынан тахсаллар, көхтөөх кытааччыларынан буолаллар.
0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

5 × 1 =