Покровскай-Дьокуускай учаастагынан муус хамсааһына икки суукканан кэлэрэ күүтүллэр
Ыам ыйын 15 күнүнээҕи туругунан, Өлүөнэ өрүс мууһа учаастактарынан ааһар.
Бастакы учаастакка муус ааһыыта Өлүөхүмэ оройуонун Маача сэлиэнньэтигэр диэри бэлиэтэнэр. Итиэннэ муус Өлүөхүмэ оройуонун Солянка учаастагыттан– Хаҥалас оройуонун Иһит сэлиэнньэтигэр диэри устар. Киин оройуоннарга Өлүөнэ өрүскэ уу таһыма үрдээн иһэр. Покровскай- Дьокуускай учаастагар икки хонугунан муус хамсыыра күүтүллэр.
Алдан өрүскэ муус тэҥэ суохтук хамсыыр. Муус алын кырыыта Уус- Алдан оройуонун Чэриктэй сэлиэнньэтин үрдүнэн ааһар, Чэриктэй — Батамай учаастагар муус хамсааһына бэлиэтэнэр. Икки хонук кэриҥинэн Алдан өрүс Өлүөнэҕэ тахсара күүтүллэр.
Амма өрүскэ уу таһыма 896 см буолан турар, кутталлаах таһым 925 см тэҥнэһэр. Чугастааҕы хонуктарга уу таһыма үрдээн иһэрэ сабаҕаланар.
Бүлүү өрүскэ. Бүлүү Кириэстээх-Бүлүү учаастагар муус хамсааһынын араас тэтимэ баара бэлиэтэнэр.
Өлөөн өрүс мууһа Өлүөнэ-Сухаана учаастагар көстөр.
Дьааҥы уонна Индигир өрүстэригэр муус хамсааһына бэлиэтэнэр. Дьаһаак (Халыма өрүс хаҥас салаата) Үөһээ Халыма оройуонун Нелемное сэлиэнньэтигэр муус хамсыыр. Зырянка бөһүөлэгэр өрүс арыллыыта ыам ыйын 17-19 күннэригэр буолара күүтүллэр. Дьокуускай куоракка Өлүөнэ уутун бассейнын салалтатын исписэлиистэрэ иһитиннэрбиттэринэн, көмүөл Покровскай куоракка кэллэҕинэ, муус устуутун быһа биэриитэ Хаҥалас чыпчаалыттан ыытыллыаҕа. lbvu.ru диэн салалта саайтыгар, Өлүөнэ бассейнын ууларын салалтатын Ютуб ханаалыгар көрүөххүтүн сөп.
Хаартыска интэриниэт ситимиттэн
+1
+1
+1
+1
+1
+1
+1