Өлүөнэ мууһа ыам ыйын 15 күнүгэр Дьокуускай аннынан хамсаан, бу түүн, биитэр сарсын сарсыарда устара сабаҕаланарын туһунан Уу ресурсаларын федеральнай агентствотын Өлүөнэ сүнньүнээҕи ууга управлениета иһитиннэрэр.
Анивера Акимова, «Саха сирэ» хаһыат, edersaas.ru
Билигин Өлүөнэ мууһа Үөдэй, Сиинэ, Покровскай аттыларынан хойуутук устар. Уу таһыма урукку сыллардааҕар төһө эмит намыһах. Табаҕа аннынан муус хамсааһына бэлиэтэннэ. Бүлүү өрүс мууһа Сунтаарынан хойуутук устар. Бүлүү улууһугар ыам ыйын 18 — 19 күннэригэр муус хамсыыра сабаҕаланар. Дьааҥы мууһа Верхоянскайынан уонна Баатаҕайынан хамсаата.
Видео батсаабынан кэллэ. Покровскайынан муус устуута.
Анивера Акимова, «Саха сирэ» хаһыат, edersaas.ru
+1
+1
+1
+1
+1
+1
+1