Күндү Сахабыт сирин дьоно-сэргэтэ, поэзия сүгүрүйээччилэрэ, биир дойдулаахтарбыт!
Муус устар 25 күнүгэр 17 ч. Былатыан Ойуунускай аатынан Саха академическай драматическай тыйаатырыгар Саха народнай поэта , РФ уонна СӨ култууратын үтүөлээх үлэһитэ, Саха Өрөспүүбүлүкэтин уонна Горнай улууһун Бочуоттаах олохтооҕо, Саха Өрөспүүбүлүкэтин гимнин ааптара Савва Иванович Тарасов төрөөбүтэ 85 сылыгар ананар «Поэт суола» диэн ааттаах дьоро киэһээҕэ ыҥырабыт.
Бырагыраамаҕа:
Саха тыйаатырын артыыстарын толорууларыгар «Мин доҕорум Гамлет», «Илиир хоруол» испэктээктэртэн быһа тардан көрдөрүү.
М.К.Аммосов аатынан ХИФУ РФ Хотугулуу-Илиҥҥи норуоттар тылларын уонна культураларын институтун устудьуоннарын уонна Горнай улууһун гимназиятын «Төлөн» хоһоонньуттар бөлөхтөрүн толорууларыгар Савва Тарасов хоһооннорун истиэххит.
Г.М.Кривошапко аатынан СӨ Судаарыстыбаннай филармония симфоническай оркестрын уонна хорун толорууларыгар Саха Өрөспүүбүлүкэтин гимнэ «Өрөгөй ырыата» дуорайыа.
Бу долгутуулаах күн түһүлгэтигэр «Туймаада» судаарыстыбаннай вокальнай ансаамбыл, Суорум Омоллоон аатынан Опера уонна балет тыйаатырын солистката, СӨ үтүөлээх артыыската Анна Дьячковская, Култуура уонна искусство Арктикатааҕы институтун «Аар аартык» уонна Култуура уонна искусство Дьокуускайдааҕы кэллиэһин «Өркөн» народнай үҥкүү ансаамбыла, С.И.Тарасов аатынан Өрт орто оскуолатын үөрэнээччилэрэ, Солоҕон нэһилиэгиттэн Тарасов ааҕыыларын кыттыылаахтара эһиги иннигитигэр тахсыахтара.
Ытык киһибитигэр, народнай поэт Савва Иванович Тарасовка ананар «Поэт суола» тэрээһиҥҥэ кэлиҥ, сылдьыҥ, ыалдьыттааҥ! Киириитэ босхо.