Бүгүн “Биир ньыгыл Арассыыйа” баартыйа Саха сиринээҕи салаата биир мандааттаах 17 №-дээх Промышленнай быыбардыыр уокуруктан 2017 сыл ыам ыйын 28 күнүгэр буолар Саха Өрөспүүбүлүкэтин Ил Түмэнин норуодунай дьокутаатын эбии быыбарыгар “Биир ньыгыл Арассыыйа” баартыйаттан хандьыдааты талыыга барыллаан куоластааһын түмүгүн таһаарда.
Роман Попов, “Саха сирэ” хаһыат, https://edersaas.ru
Онно Южно-Якутскай технологичеcкай колледж дириэктэрэ Подмазкова Ирина Юрьевна быыбарсыктар 67 куоластарын ылан, кыайыылааҕынан ааттанна. Онон кини 2017 сыл ыам ыйын 28 күнүгэр ыытыллар биир мандааттаах 17 №-дээх Промышленнай быыбардыыр уокуруктан Саха Өрөспүүбүлүкэтин Ил Түмэнин норуодунай дьокутаатын эбии быыбарыгар “Биир ньыгыл Арассыыйа” баартыйаттан кыттыаҕа. Подмазкова Ирина Нерюнгри оройуон баһылыгын социальнай боппуруостарга солбуйааччытынан 2008-2011 сс. үлэлээбитэ, олохтоох салайыныы дьокутаата.
Бу иннинэ биир мандааттаах 17 №-дээх Промышленнай быыбардыыр уокуруктан Ил Түмэн дьокутаатынан үлэлээбит Виктор Станиловскай былырыын күһүн Нерюнгри оройуонан баһылыгынан талыллыбыта.
Праймеризка кыттыбыт Салова Наталья Юрьевна – 36, Суворов Сергей Николаевич 47 куолаһы ыллылар.
Роман Попов, “Саха сирэ” хаһыат, https://edersaas.ru