Уопсастыба

Почта үлэһиттэрэ мас олортулар

«Арассыыйа почтатын» Саха сиринээҕи салаатын эдэр үлэһиттэрэ «Үс сэргэ» стела аттыгар былааннанар Кыайыы пааркатыгар мас олортулар. 


«Биһиэхэ, почтабытыгар, ыччат экология уонна тупсарыы үлэтигэр улахан болҕомтотун уурар. Маннык тэрээһиннэри көтүппэккэ үөрүүнэн кыттабыт. Куорат тупсарыгар, киэркэйэригэр бэйэбит кылааппытын мэлдьи киллэрсэбит», — диэн почта ыччакка сэбиэтин бэрэссэдээтэлэ  Юлия Чернова санаатын үллэстэрин туһунан бу тэрилтэ пресс-сулууспатыттан иһитиннэрдилэр.

Аахсыйаҕа Дьокуускайтан сэрии толоонугар барбыт дьон ахсаанынан 20 625 мас олордуллар.  Тэрээһиҥҥэ тулуйумтуо диэн, дьон сүрүннээн хатыҥы хото олордубут. 

Кыайыы пааркатын бырайыагын эскиһин оҥоруу куонкуруһугар Дьокуускайтан «Старт» диэн бырайыактыыр бюро кыайыылааҕынан тахсыбыт. Ааптардар саллааттар үс муннуктаах суруктарын сүрүн тиэмэнэн талбыттара болҕомтону улаханнык тардыбыта диэн «Арассыыйа почтатын» Саха сиринээҕи  салаатын пресс-сулууспата бэлиэтиир.

0
0
Telegram @edersaas20

Добавить комментарий