«Почта Баантан» кирэдьиит ылыахха сөп

Бөлөххө киир:

От ыйын 20 күнүттэн Дьокуускай куоракка «Почта Баан» операционнай «түннүктэрэ» үлэлиэхтэрэ.

edersaas.ru


Бастакы түһүмэххэ «Почта Баан» Саха сиригэр Россия почтатын базатыгар үлэлиирэ былааннанар. Ол курдук, анал агеннар кирэдьииттээһин, хамнаһы биэрии курдук өҥөлөрү оҥоруохтара. Бастакы «түннүк» бүгүн Дьокуускай куоракка Киров уулуссатын 21Б дьиэтигэр баар почта салаатыгар аһыллыаҕа.

СӨ Сибээһин уонна информационнай технологияларын министиэристибэтэ иһитиннэрбитинэн, сыл бүтүүтэ «Почта Баан» бэйэтэ туһунан офистаныаҕа. Оттон бу ый бүтүүтэ Саха сирин почтовай сибээһин салааларыгар уопсайа 31 «түннүк» аһыллыаҕа.

Билигин сорох бааннар оройуоннарга, регионнарга баар офистарын аҕыйаттылар. Оттон Россия почтата ВТБ24 бааны кытары кыттыһан баан тэрилтэтин аһаннар, оройуоннарга үлэлээн эрэллэр. Үгүс нэһилиэнньэлээх пууннарга банкоматтар уонна бааннар суох буоланнар, дьон хамнастарын, биэнсийэлэрин ылалларыгар ыарахаттары көрсөллөр. Үлүгэрдээх харчыны ороскуоттаан туран улуус киинигэр киирэн, пластиковай хаарталарыттан харчыларын усталлар.

Ыспыраапка:

«Почта Баан» – судаарыстыбаннай кыттыгастаах баан. 2016 сыллаахха ВТБ уонна Россия почтатын көҕүлээһиннэринэн «Лето Баан» ПАУо базатыгар тэриллибитэ.

Анивера АКИМОВА, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0