Племенной үлэни күүһүрдүү соруга сытыытык турар

Ааптар: 
Бөлөххө киир:

Билиҥҥи туругунан Уус Алдан улууһугар  16 849 ынах сүөһү, 15 372 сылгы баар. 2 племенной хаһаайыстыба, сүөһүгэ уонна сылгыга Байаҕантай нэһилиэгэр Николай Саввич Хомподоев салайааччылаах «Танда» ТХПК, сылгыга Бэрт Ууһун нэһилиэгэр Олег Гаврильевич Черкашин салайааччылаах «Мэкэри» хааччахтаммыт эппиэтинэстээх тэрилтэлэр үлэлииллэр.

Сүөһү, сылгы төбөтүн ахсаанын элбэтэр, боруоданы тупсарар, эт-ас эргиирин, бородууксуйаны батарыы үлэтин үрдэтэр инниттэн, улууска племенной үлэни күүһүрдүү соруга турар.

Ити боппуруоска анаан балаҕан ыйын 3-4 күннэригэр ГБУ «Сахаагроплем» тэрилтэ салайааччыта Алексей Дмитриевич Жирков, племенной салаа начальнига Ньургун Николаевич Мордовской Уус Алдаҥҥа тахсан үлэлээтилэр.

Манна племенной хаһаайыстыба статуһун ылыыга хандьыдааттар Иван Петрович Румянцев салайааччылаах «Найахы» ТХПК уонна Мирослав Анатольевич Черкашин салайааччылаах Суоттутааҕы «Лена» ТХПК хаһаайыстыбаларын көрдүлэр-иһиттилэр, үлэлэрин билистилэр. Быйылгы сылтан саҕалаан күүскэ ылсан үлэлииргэ соруктары туруордулар.

Маныаха плем үлэҕэ генетическай экпертизаны аһыыга улуус дьаһалтата анал муниципальнай программа үлэлэтэн хаһаайыстыбаларга тирэх буолуоҕа.

Улуус дьаһалтатын пресс-сулууспата.

+1
0
+1
0
+1
0
+1
0
+1
0
+1
0
+1
0