Пластик бытыылкалары, батарейкалары, алюминиевай бааҥкалары туттарыҥ!
Muus uSTAR бэстибээл чэрчитинэн Дьокуускайга тулалыыр эйгэни ыраастыыр соруктаах туһаттан тахсыбыт пластик бытыылкалары, үлэлээбэт батарейкалары, эргэ хордуоннары, саһарбыт хаһыаттары уонна алюминиевай бааҥкалары тутуохтара.
Yakutsk.eco диэн Саха сиринээҕи экологическай хампаанньа сүрүннээн бэстибээл кэмигэр бу анал былаһааккаҕа бөҕү салгыы хайдах сөптөөхтүк хомуйуу туһунан билиэххит.
Кулун тутар 25 күнүгэр аахсыйа чэрчитинэн кыттыылаахтарга анаан баскетбол, хоккейботл оонньуулар буолуохтара. Күн ахсын бэстибээл ыытыллар кэмигэр «Арассыыйа — мин устуоруйам» пааркаҕа бу аахсыйаҕа кыттыһыаххытын сөп.
ЯЭК – Саха сиринээҕи бөдөҥ экологическай хампаанньа. Саха сиригэр 2020 сылтан үлэлиир. Дьокуускай куоракка 50 анал бөх тутар пууннаах, ону сэргэ түүннэри-күнүстэри үлэлиир эко-ыстаансыйалаах.
Ульяна ЗАХАРОВА.