Пионер тэрилтэтэ иккистээн тыын ыларыгар баҕардыбыт

Бөлөххө киир:

Изабелла Викторовна Харлампьева салайааччылаах «Дьоһун дьарык» кэллэксийэньиэрдэр түмсүүлэрэ Пионерия 100 сыллаах үбүлүөйүнэн Н.Е.Мординов-Амма Аччыгыйын аатынан Харбалаахтааҕы үөрэх тэрилтэтигэр ыам ыйын 19 күнүгэр оскуола салаатыгар уонна лиссиэй устудьуоннарыгар олус бэрт тэрээһиннэри ыыттылар.

edersaas.ru

Пионерия устуоруйатын кэрэһиттэрин быыстапкатын тэниччи тартылар. Пионерия устуоруйатын, пионер оҕо саастарын туһунан олус интэриэһинэй ахтыылары оҥордулар.
«Пионерга киирэргэ эппит мэктиэ тылбытын толорорго дьулуһарбыт, тимуровскай хамсааһын, лааҕырдар үлэлэрэ үүнэн иһэр дьону биир санааҕа түмэрэ, үлэһит уонна дойдубут туһугар бэриниилээх буоларга угуйара», — диэн чопчулаан бэлиэтээтилэр.


Салгыы араас пионерскай күрэхтэри тэрийэн, устудьуоннары сэргэхситтилэр. Пионер тэрилтэтэ иккистээн тыын ылан тэриллэригэр баҕа санааны уһугуннардылар. Онон, бу түмсүү актыыбынай чилиэннэригэр холбоһук учууталлара, преподавателлара махталбыт муҥура суох! Инники кэскили түстэһэн, өссө да араас үлэни ыыта тураргытыгар баҕарабыт.

«Саха сирэ», edersaas.ru саайтка анаан Валентина КРИВОШАПКИНА

+1
0
+1
0
+1
0
+1
0
+1
0
+1
0
+1
0