Пилотка тигиитигэр маастар-кылаас (Видео)
Олох-дьаһах - Саха ыала - Сүбэһит

Пилотка тигиитигэр маастар-кылаас (Видео)

Елена Олесова иискэ үөрэтэр оскуолатын 2019 сыллаахха, оҕолонон олорор кэмигэр, «Социальнай хантараак» көмөтүнэн арыйбыт.

Елена оскуолатыгар икки сыл иһигэр 120 киһи үөрэннэ. Хаһан даҕаны иистэммэтэх кыргыттар кэлэннэр свитшот, былаачыйа, бүрүүкэ уонна дьууппа тиктибиттэр, бүтэрэн кэтэн да барбыттар. Биир үөрэнээччитэ бэйэтэ номнуо учуутал буолан үһүс саас оскуолатыгар сахалыы таҥаһы тигэргэ үөрэтэ сылдьар. «Соторутааҕыта үөрэммит кыыс таҥас тигэн, дьаарбаҥкаҕа атыылаары бэлэмнэнэ сылдьар. Үөрэммит кыргыттарбар онлайн кулууп арыйдым. Баҕалаахтар улуустан киирэн үөрэнэллэр. «Колибри»таҥас матырыйаалын маҕаһыына уонна «Швейный парк» иистэнэр массыына атыылыыр маҕаһыын быһа сибээһинэн туһалаах сүбэлэри биэрэллэр», — диэн кэпсиир. Елена  иистэниигэ араас уруоктары, маастар-кылаастары Инстаграм ситимин нөҥүө ыытар.
— Оҕо эрдэхпиттэн эбэм иистэнэрин көрөн кыралаан үөрэммитим. Оскуолаҕа үлэ, сатабыл уруогар дьууппа, халаат, дьабака бэргэһэ тигэр этибит. Оскуоланы бүтэрэрбэр «швея-мотористка» диэн докумуону илиибэр туппутум. Онтон Намнааҕы педагогическай кэллиэскэ уруһуй, үлэ уруогун, черчение учууталын идэтигэр үөрэммитим. Пединститукка үрдэтинэн «Технология уонна предпринимательство учуутала» буолбутум, — диир Елена Васильевна.
Елена Васильевна биһиги ааҕааччыларбытыгар пилотка тигэн көрдөрүөҕэ.

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

пять × два =