Петровтар дьиэ кэргэн Бүлүүгэ барыахтара (видео)

Ааптар: 
Бөлөххө киир:

Быйыл Туймаада ыһыаҕар киин куорат уопсастыбаннай сибээскэ уонна ыччат бэлиитикэтигэр, култуура уонна духуобунай сайдыы управлениеларын тэрийиилэринэн «Олох төрдө – дьиэ кэргэн» эдэр ыалларга куонкурус аан бастаан ыытылынна.

Тэрээһин, биллэн турар, Ийэ сылыгар ананна. “Бастыҥ дьиэ кэргэн” бочуоттаах ааты ылар иһин аҕыс эдэр ыал күөн көрүстэ. Бары түөрт түһүмэҕи чиэстээхтик ааһан, Сайсары уокурук олохтоохторо,  үс уол уонна биир кыыс эдэркээн төрөппүттэрэ Дмитрий уонна Айталина Петровтар кыайыы сырдык дьаралыгар куустардылар.

Кинилэргэ 100000 солкуобай анал бириистэрин киин куорат баһылыгын иһинэн үлэлиир улуустар түмсүлэрин сэбиэтэ туттарда.

Маны таһынан, Петровтар дьиэ кэргэн «Osterio Mario и Швили» эрэстэрээҥҥэ ыҥырыы туттулар уонна «Чороон 21 үйэ» фирма бэлэҕин ыллылар.

Дьиэ кэргэн от ыйыгар Бүлүү куоракка “Табыс” ыччат бэстибээлин чэрчитинэн ыытыллар эдэр ыаллар күөн күрэстэригэр Дьокуускай куорат чиэһин көмүскүөхтэрэ.

Елена ПОТОЦКАЯ, «Саха сирэ» хаһыат.

Хаартыска уонна видео ааптар түһэриилэрэ, устуута.

+1
0
+1
0
+1
0
+1
0
+1
0
+1
0
+1
0