Петр Шишигин аатынан алмаас куопуйата дьиэ кэргэнигэр туттарылынна

Бөлөххө киир:

Геолог күнүгэр Саха сирин биллиилээх геолога Петр Шишигин чиэһигэр ааттаммыт Саха сирин бөдөҥ алмаастарыттан биирдэстэрин куоппуйатын АЛРОСА хампаанньа кини чугас дьонугар, кэргэнигэр Федора Николаевна Шишигинаҕа туттарда.

edersaas.ru

Петр  Романович Шишигин чиэһигэр ааттаммыт 78,74 караттаах алмааһы 2019 сыллаахха ыам ыйыгар Айхаллааҕы 14 №-дээх Хайа-байытар кэмбинээккэ хостообуттара уонна ити сыл кини аатын бу алмааска биэрэр туһунан быһаарыы ылыллыбыта.  Бу -– АЛРОСА 2019 сыллаахха хостообут ювелирнай алмаастарыттан биир саамай бөдөҥнөрө.

Быһаарыы:
Петр Шишигин -– Саха сирин геологияҕа салаатын бэтэрээнэ, РФ үтүөлээх геолога, Геологияҕа уонна сири туһаныыга СР судаарыстыбаннай кэмитиэтин бэрэссэдээтэлэ (1999-2003 сс.), СӨ бочуоттаах сири оҥорооччута.
Петр Романович олоҕун 40-тан тахса сылын геология салаатыгар анаабыта  уонна өрөспүүбүлүкэ минеральнай-сырьевой базатын сайдыытыгар улахан кылаатын киллэрбитэ. Кини көмөтүнэн «Ботуобуйа» уонна «Ньурба» туруупкалардаах Бүлүүтээҕи-Мархатааҕы алмаастаах оройуону арыйбыттара.

Надежда ЕГОРОВА, «Саха сирэ»хаһыат,  edersaas.ru

+1
0
+1
0
+1
0
+1
0
+1
0
+1
0
+1
0